[᭓᭔ 34B]
᭓᭔
᭞ᬲᬓᬾᬂᬧᬓᬾᬯᭂᬳᬾ᭞ᬬᬤᬶᬦ᭄ᬩ᭄ᬭᬡᬫᬵᬲ᭄ᬧᬶᬧᬶᬲ᭄᭞ᬬᬤᬶᬦ᭄ᬢᬾᬳᬶᬩᬗ᭄ᬰᬳᬮᬸᬲ᭄᭞ᬲᬂᬳ᭄ᬬᬂᬳᬚᬶᬫᬦ᭄ᬢ᭄ᬭᬧᬸᬢᬸᬲ᭄᭞ᬬᬤᬶᬦ᭄ᬫᬧᬗ᭄ᬓᬢ᭄ᬓᬯᬶᬃᬬ᭄ᬬᬦ᭄᭞ᬳᭂᬦ᭄ᬢᭀᬢ᭄ᬯᬭᬲᬶᬤ᭄ᬥᬦᬸᬮᬸᬂ᭞ᬓᬾᬯᬮᬳᬶᬓᬲᬸᬰᬶᬮᬦ᭄᭞
ᬧ᭄ᬭᬬᬦᬦ᭄ᬤᬦᬂᬓᬲ᭄ᬯᬃᬕ᭄ᬕᬦ᭄᭟᭒᭐᭙᭟ᬬᬦᬶᬂᬳᬤᬳᬦᬓᬼᬕᬫᬦ᭄ᬭᬸᬲ᭄᭞ᬜᬮᬦᬂᬓᬩᬭᬾᬲᬾ᭞ᬫᬚᬮᬭᬦ᭄ᬩᬸᬤ᭄ᬥᬶᬳ᭄ᬦᬶᬂ᭞ᬲᬶᬦᬄᬫᬨᬮᬓᬳᬸᬗ᭄ᬓᬸᬃ᭞ᬲᬸᬕᬶᬄᬋᬦ᭄ᬤᬄᬮᬸᬦᬲ᭄ᬮᬦᬸᬲ᭄᭞ᬲᭂᬦ᭄ᬢᬦᬫᬓᬸᬭ
ᬫ᭄ᬩᬾᬬᬦ᭄᭞ᬮᬶᬬᬸᬗ᭄ᬮᬄᬧ᭄ᬬᬦᬓ᭄ᬘᬸᬘᬸ᭞ᬲᬶᬤ᭄ᬥᬶᬯᬓ᭄ᬬᬲᬦ᭄ᬤᬶᬗᬸᬘᬧ᭄᭞ᬳᭂᬦ᭄ᬢᭀᬫᬤᬦ᭄ᬢᬧᭀᬤᬦ᭟᭒᭑᭐᭟ᬩ᭄ᬯᬶᬦ᭄ᬳᬤᬳᭀᬮᬲ᭄ᬲᬸᬓᬫᬦᬸᬮᬸᬲ᭄᭞ᬲᬂᬫᬗ᭄ᬕᬶᬄᬮᬭᬦᬾ᭞ᬳᬲᬶᬂᬢ᭄ᬓᬗᬶᬤᬶᬄᬓᬦ᭄ᬢᬶ᭞ᬧᬶᬢ᭄ᬯᬶᬧ᭄ᬘᬓ᭄ᬫ
ᬫᬸᬲᬸᬄ᭞ᬫᬲᬶᬄᬳᭀᬮᬲ᭄ᬲᬸᬓᬫᬦᬸᬮᬸᬂ᭞ᬫᬳᬤᬦ᭄ᬧᬸᬭᬸᬱᭀᬢ᭄ᬢᬫ᭞ᬲᬚ᭄ᬜᬦᬵᬯᬶᬰᬾᬱᬓᬲᬸᬩ᭄᭞ᬲᬶᬦᬄᬫᬨᬮᬓᬯ᭄ᬓᬲ᭄᭞ᬫᬦᬤᬶᬘᬢ᭄ᬭᬦᬶᬂᬭᬵᬢ᭄᭟᭒᭑᭑᭟ᬭᬶᬜ᭄ᬘᬶᬦ᭄ᬓᬦ᭄ᬢᬶᬦ᭄ᬧᬕᬯᬾᬦᬾᬧᬢᬹᬢ᭄
[᭓᭕ 35A]
᭞ᬬᬦᬶᬂᬧᬗᬮᬸᬦ᭄ᬦᬾ᭞ᬧᬢᬸᬢᬾᬯᬦ᭄ᬢᬄᬫᬕ᭄ᬤᬶ᭞ᬫᬤᬕᬂᬕᬯᬾᬓᬧᬘᬸᬮ᭄᭞ᬫᬦᬤᬶᬩᬦ᭄ᬤᬾᬕᬧᬵᬢᬹᬢ᭄᭞ᬬᬦᬶᬂᬳᬶᬤᬲᬂᬕ᭄ᬭᬳᬵᬲ᭄ᬣᬵ᭞ᬯ᭄ᬦᬂᬫᬭᬩᬶᬫᬧᬸᬢᬸ᭞ᬢᭀᬕ᭄ᬬᬮᭀᬓᬧᬭᬰ᭄ᬭᬬ᭞ᬭᬶᬂᬤᬾᬰᬳᬶᬤᬫᬮᬶᬗ᭄ᬕ
᭟᭒᭑᭒᭟ᬬᬦ᭄ᬲᬂᬲᬓᬶᬢ᭄ᬯ᭄ᬦᬂᬫᬓᬦ᭄ᬢᬶᬧᬶᬢᬸᬮᬸᬂ᭞ᬲᬓᬶᬂᬲᬃᬩᬮ᭄ᬬᬦ᭄ᬦᬾ᭞ᬫᬶᬯᬄᬧᬗᬬᬄᬗᬬᬳᬶᬦ᭄᭞ᬬᬦᬶᬂᬳᬦᬓ᭄ᬧᬘᬂᬫᬦ᭄ᬢᬸᬓ᭄᭞ᬫᬦ᭄ᬢᬸᬓᬾᬓᬓᬭᬂᬲᬸᬳᬸᬂ᭞ᬬᭀᬕ᭄ᬬᬫᬶᬢ᭄ᬭᬤᬵᬦᬧᬹᬡ᭄ᬬ᭞ᬫᬤᬲᬃᬳ᭄ᬦᬶᬗᬶᬂᬓᬳ᭄ᬬᬸ
ᬦ᭄᭞ᬧᬦ᭄ᬩᬸᬲ᭄ᬫᭂᬕᬢ᭄ᬳᬶᬢᬺᬱ᭄ᬡᬵ᭞ᬢ᭄ᬯᬭᬤᬤᬶᬳᬮᬫ᭄ᬳᬮᬫ᭄᭟᭒᭑᭓᭟ᬬᬦ᭄ᬜᬮᬦᬂᬤᬦᬵᬧᬹᬡ᭄ᬬᬳᬬᬸ᭞ᬳᭂᬦ᭄ᬢᭀᬬᬦ᭄ᬨᬮᬦ᭄ᬦᬾ᭞ᬭᬕᬥᬾᬯᬾᬓᬾᬫᬦᬫ᭄ᬧᬶ᭞ᬢ᭄ᬯᬶᬢ᭄ᬯᬭᬤᬤᬶᬳᭂᬥᬸᬫ᭄᭞ᬬᬤᬶᬦ᭄ᬭᬶᬂᬲᬂᬬᬬᬄᬳᬶᬩᬸ᭞ᬳ᭄ᬜᬾ
ᬦ᭄ᬳᬸᬕᬶᬫᬜᬮᬦᬂ᭞ᬳᭂᬦ᭄ᬢᭀᬳᬸᬕᬶᬦᬾᬦᬾᬫᬸᬧᬸ᭞ᬢ᭄ᬯᬭᬤᬤᬶᬧᬥᭂᬫ᭄ᬧᬶᬮᬂ᭞ᬓᬾᬢᭀᬳᬶᬦᬸᬘᬧ᭄ᬭᬶᬂᬰᬵᬲ᭄ᬢ᭄ᬭ᭟᭒᭑᭔᭟ᬉᬚᬃᬲᬂᬧᬡ᭄ᬥᬶᬢᬮᬶᬦ᭄ᬢᬂᬧᬸᬢᬸᬲ᭄᭞ᬦᬾᬤᬵᬦᬧᬸᬡ᭄ᬬᬦᬾ᭞ᬦᬾᬦᬾᬢ᭄ᬯᬭᬳᬶᬭᬶᬳᬢᬶ᭞ᬫᬗ
Page:Bali-lontar-paparikan-sarasamuscaya-300ppi.pdf/35
Jump to navigation
Jump to search
This page has been proofread.
