[᭓᭓ 33B]
᭓᭓
ᬓᬢ᭄ᬮᬸ᭞ᬚᬵᬢᬶᬢ᭄ᬯᬄᬓᬲᭀᬭᬾ᭞ᬩᬳᬦ᭄ᬳ᭄ᬬᬳᬶᬰᬶᬮᬬᬸᬓ᭄ᬢᬶ᭞ᬓᬢᬶᬢᬄᬲᬳᬦᬦ᭄ᬳᬶᬧᬸᬦ᭄᭞ᬲᬤᬕᬶᬂᬚᬕᬢᬾᬳᬕᬹᬂ᭞ᬲᬶᬦᬄᬲᬳᬦᬦᬾᬳᬶᬮᬂ᭞ᬬᬦ᭄ᬢᬦ᭄ᬲᬶᬤ᭄ᬥᬦᬾᬓᬢᬸᬮᬸᬂ᭞ᬩᬳᬦ᭄ᬧᬫᬕᭂᬄᬳᬶ
ᬰᬶᬮ᭞ᬰᬶᬮᬦᬾᬳᬸᬕᬶᬳᬶᬗᭂᬢᬂ᭟᭒᭐᭓᭟ᬫᬓᬤᬲᬃᬢ᭄ᬯᬄᬳᬶᬰᬶᬮᬳᬬᬸ᭞ᬫᬶᬯᬄᬧ᭄ᬭᬤᬵᬦᬦᬾ᭞ᬳᭂᬦ᭄ᬢᭀᬢ᭄ᬯᬄᬯᬱ᭄ᬝᬦᬶᬦ᭄᭞ᬬᬦ᭄ᬢᬗᬗ᭄ᬕᬾᬰᬶᬮᬳᬬᬸ᭞ᬳᬧᬲᬶᬕᬸᬡᬦᬾᬳᬶᬥᬸᬧ᭄᭞ᬉᬭᬶ
ᬧᬾᬢ᭄ᬯᬭᬫᬕᬸᬡᬵ᭞ᬬᬤᬶᬦ᭄ᬧ᭄ᬭᬚ᭄ᬜᬦ᭄ᬯᬶᬪᬹᬄᬳᬕᬸᬂ᭞ᬢᬦ᭄ᬧᬕᬯᬾᬢᭀᬫᬓ᭄ᬚᬂ᭞ᬬᬦ᭄ᬢᬦ᭄ᬓᬢᬸᬮᬸᬂᬩᬦ᭄ᬰᬶᬮ᭟᭒᭐᭔᭟ᬬᬤᬶᬦ᭄ᬩ᭄ᬭᬳ᭄ᬫᬵᬡᬩᬗ᭄ᬰᬦᬾᬳᬮᬸᬲ᭄᭞ᬬᬦ᭄ᬢᬦ᭄ᬧᬰᬶᬮᬦᬾ᭞ᬢ᭄ᬯᬭᬜᬦ᭄ᬤᬂᬓᬪ
ᬓ᭄ᬢᬶᬦᬶᬦ᭄᭞ᬬᬤᬶᬦ᭄ᬲᬸᬤ᭄ᬭᬩᬗ᭄ᬰᬦ᭄ᬳᬶᬧᬸᬦ᭄᭞ᬬᬦ᭄ᬥᬃᬫ᭄ᬫᬰᬶᬮᬲᬸᬰᬶᬮᬳᬬᬸ᭞ᬳᭂᬦ᭄ᬢᭀᬜᬦ᭄ᬤᬂᬓᬲᬬᬗᬂ᭞ᬧᬢᬹᬢ᭄ᬫᬳᬗ᭄ᬕᭀᬧᬗᬸᬮᬸ᭞ᬓᬾᬢᭀᬳᬸᬘᬧ᭄ᬲᬂᬳ᭄ᬬᬂᬰᬵᬲ᭄ᬢ᭄ᬭ᭞ᬳ᭄ᬤᬳᭂᬗ᭄ᬲᬧ᭄ᬢᭂᬓᬾᬦ᭄ᬰᬶᬮ᭟᭒᭐᭕᭟
[᭓᭔ 34A]
᭟ᬳᬶᬥᬃᬫ᭄ᬫᬢ᭄ᬯᬄᬓᬓ᭄ᬫᬶᬢᬶᬦ᭄ᬧᬢᬹᬢ᭄᭞ᬩᬳᬦ᭄ᬧ᭄ᬭᬯᬺᬢ᭄ᬢᬶᬦᬾ᭞ᬚ᭄ᬜᬦᬧᬕᭂᬄᬗ᭄ᬫᬶᬢ᭄ᬳᬚᬶ᭞ᬬᬦ᭄ᬤᬶᬭᬸᬧᬳᬧᬶᬓ᭄ᬦᬸᬗ᭄ᬕᬸ᭞ᬫᬶᬯᬄᬳᬶᬩᬗ᭄ᬰᬓᬢᬸᬗ᭄ᬕᬸ᭞ᬳᬶᬲᬸᬰᬶᬮᬢ᭄ᬯᬭᬮᬾᬦᬦ᭄᭞ᬧᬓ᭄ᬫᬶᬢᬾᬧᬶᬦᬶᬄᬳᬬᬸ᭞ᬲᬮᬄᬢᬸᬗ᭄ᬕ
ᬮ᭄ᬳᬤᬗ᭄ᬩᬕ᭄᭞ᬓᬾᬢᭀᬓᬳᬸᬘᬧ᭄ᬭᬶᬂᬰᬵᬲ᭄ᬢ᭄ᬭ᭟᭒᭐᭖᭟ᬲᬓᬶᬂᬲᭀᬮᬄᬫᬓ᭄ᬭᬡᬦᬾᬢᬳᬸ᭞ᬢ᭄ᬓᬾᬦ᭄ᬓᬯᬗ᭄ᬰᬦᬾ᭞ᬳᬶᬤᬤᬦᬾᬲᬋᬂᬲᬫᬶ᭞ᬬᬦ᭄ᬳᬶᬲᭀᬮᬄᬲᬃᬯ᭄ᬯᬳᬬᬸ᭞ᬳᭂᬦ᭄ᬢᭀᬫᬤᬦ᭄ᬯᬗ᭄ᬰᬮᬸᬳᬸᬂ᭞ᬬᬦ᭄ᬲᭀ
ᬮᬳᬾᬧᬤᬲᬲᬃ᭞ᬲᬲᬃᬫᬲᬶᬄᬯᬗ᭄ᬰᬦ᭄ᬳᬶᬧᬸᬦ᭄᭞ᬯᬶᬭᬾᬄᬳᬶᬲᭀᬮᬄᬫᬓ᭄ᬭᬡ᭞ᬫᬫᬗ᭄ᬕᬶᬄᬲ᭄ᬯᬃᬕ᭄ᬕᬵᬦᬭᬵᬓ᭟᭒᭐᭗᭟ᬲᬂᬳ᭄ᬬᬂᬘᬢᬸᬃᬯᬾᬤᬳ᭄ᬦᬶᬂᬫᬸᬮᬸᬲ᭄᭞ᬧᬼᬓᬸᬢᬸᬲ᭄ᬧᬃᬯ᭄ᬯᬦᬾ᭞ᬫ᭄ᬯᬂᬲᬂᬳ᭄ᬬᬂᬧᬹᬭᬡᬳᬚᬶ᭞ᬯ
ᬗ᭄ᬰᬫᬾᬦᬓ᭄ᬧᬶᬢᬸᬳᬸ᭞ᬲᬵᬃᬯ᭄ᬯᬳᬸᬢ᭄ᬢᬫᬦᬾᬳᬶᬢᬸᬂ᭞ᬳᭂᬦ᭄ᬢᭀᬧᬥᬢᬦ᭄ᬧᬕᬸᬡᬵ᭞ᬤᬶᬚᬵᬨᬮᬦ᭄ᬜᬦᬾᬢᭂᬧᬸᬓ᭄᭞ᬬᬦᬶᬂᬫᬲᭀᬮᬄᬤᬹᬃᬰ᭄ᬰᬶᬮ᭞ᬢᬦᬸᬭᬸᬗᬦ᭄ᬧᬸᬧᬸᬢ᭄ᬧᬸᬦᬄ᭟᭒᭐᭘᭟ᬓᬤᬂᬫᬶᬢ᭄ᬭᬢᬦ᭄ᬯᭂᬦᬂᬫᬢᬸᬮᬸᬂ
Page:Bali-lontar-paparikan-sarasamuscaya-300ppi.pdf/34
Jump to navigation
Jump to search
This page has been proofread.
