Page:Bali-lontar-paparikan-sarasamuscaya-300ppi.pdf/36

From Wikisource
Jump to navigation Jump to search
This page has been proofread.

[᭓᭕ 35B]
᭓᭕
ᬯᬾᬦᬶᬦ᭄‌ᬥᬃᬫ᭄ᬫᬲᬥᬸ᭞ᬳᭂᬦ᭄ᬢᭀᬤᬵᬦᬮᬶᬯᬢ᭄ᬧᬸᬢᬸᬲ᭄᭞ᬫᬗᬲᭀᬭᬂᬭᬚᬩ᭄ᬭᬡ᭞ᬬᬦᬶᬂᬲᬸᬩᬧᬕᭂᬄᬤᬶᬢᬸ᭞ᬳᬬᬸᬦᬾᬭᬯᬸᬄᬲᬢᬢ᭞ᬨᬮᬦ᭄ᬜᬦᬾᬢ᭄ᬯᬭᬳᭀᬩᬄ᭟᭒᭑᭕᭟ᬲᬂᬧᬕᭂᬄᬫᬤᬵᬦᬧᬹᬡ᭄ᬬ
ᬳᬬᬸ᭞ᬓᬾᬦᬾᬚ᭄ᬯᬨᬮᬦ᭄ᬦᬾ᭞ᬪᭀᬕᬉᬧᬪᭀᬕᬧᬗ᭄ᬕᬶᬄ᭞ᬭᬶᬯ᭄ᬓᬲᬦ᭄ᬧᬘᬂᬧᬸᬧᬸ᭞ᬬᬦ᭄ᬜᬾᬯᬓᬧᬘᬂᬚᬸᬚᬸᬃ᭞ᬜᬾᬯᬓᬢ᭄ᬓᬾᬦ᭄ᬓᬩᬬᬦ᭄᭞ᬫᬾᬥᬕᬸᬡᬧᬘᬂᬢ᭄ᬧᬸᬓ᭄᭞ᬤᬤᬶᬫᬯ᭄ᬢᬸᬇᬗᭂᬢᬦ᭄᭞ᬢᬦ᭄
ᬧᬫᬢᬶᬤᬶᬃᬖ᭄ᬕᬬᬸᬱ᭟᭒᭑᭖᭟ᬬᬦᬶᬂᬤᬶᬦᬶᬤᬶᬕᬸᬫᬶᬦᬾᬢᬢ᭄ᬮᬸ᭞ᬮᬶᬯᬢ᭄ᬧᬶᬓᬾᬯᭂᬳᬾ᭞ᬜᬮᬦᬂᬳᬶᬤᬵᬦᬤᬶᬦᬶ᭞ᬯᬶᬭᬾᬄᬢᬺᬱ᭄ᬡᬦᬾᬫᬸᬧᬸᬢ᭄᭞ᬢ᭄ᬓᬾᬦ᭄‌ᬩ᭄ᬭᬡᬵᬓᬗᭂᬦ᭄ᬗᬸᬦ᭄ᬗᬸᬦ᭄᭞ᬯᬶᬭᬾᬄᬢᬦ᭄ᬲᬄᬓᬳᬶᬗᭂᬢᬂ᭞ᬫ
ᬗᬮᬶᬳᬾᬳᬸᬮᬶᬄᬢᬸᬬᬸᬄ᭞ᬓ᭄ᬭᬡᬗ᭄ᬮᬄᬭᬚᬩ᭄ᬭᬡ᭞ᬲᬓᬶᬂᬲᬓᬶᬢᬾᬓᬮᬶᬯᬢ᭄᭟᭒᭑᭗᭟ᬗ᭄ᬕᬯᬾᬳᬗᭀᬩ᭄‌ᬲᬦ᭄ᬮᬶᬗ᭄ᬕᬶᬄᬲᬂᬯᬶᬓᬸ᭞ᬓᬾᬦᬾᬯ᭄ᬘᬦᬦ᭄ᬦᬾ᭞ᬳᬸᬤᬸᬄᬳ᭄ᬗᬵᬦ᭄‌ᬩᬧᬚᬦᬶ᭞ᬳ᭄ᬮᬲ᭄ᬳᬶᬤᬤᬦᬾᬳᬶᬧᬸᬦ᭄᭞ᬫᬗᬸᬢᬂ
[᭓᭖ 36A]
ᬳᬶᬩ᭄ᬭᬡᬮᬶᬬᬸ᭞ᬦᬾᬦᬾᬮᬶᬯᬢ᭄ᬓᬲᬗᬂ᭞ᬲᬂᬓᬓᬸᬢᬂᬧᬬᬸᬮᬘᬸᬃ᭞ᬓᬧᬺᬩᬸᬢ᭄ᬩᬳᬦ᭄ᬳᬶᬘᭀᬭᬄ᭞ᬢᬦ᭄ᬯᬗ᭄ᬤᬾᬫᬧ᭄ᬭᬓᬭ᭟᭒᭑᭘᭟ᬳᬶᬢᬺᬱ᭄ᬡᬢᬦ᭄ᬲᬄᬳ᭄ᬦᬸᬫᬦᬸᬢᬸᬕ᭄᭞ᬫᬓ᭄ᬭᬡᬳᬢ᭄ᬫᬦᬾ᭞ᬚᬤᭀᬚᬤᭀᬢᭀᬮᬄ
ᬢᭀᬮᬶᬄ᭞ᬳᬶᬗᭂᬢ᭄ᬓᬾᬦ᭄ᬳᬯᬓ᭄ᬢᬸᬬᬸᬄ᭞ᬧᬕᬯᬾᬫᬓᬸᬢᬂᬧᬬᬸ᭞ᬧᬚᬮᬦᬾᬧᬬᬸᬭᬦ᭄ᬤᬢ᭄᭞ᬗᬗᭃᬦ᭄ᬳᬶᬩ᭄ᬭᬡᬫᬧᬸᬡ᭄ᬥᬸᬄ᭞ᬩ᭄ᬮᭀᬕᬾᬩᬲ᭄ᬮᬶᬯᬢ᭄ᬮᬶᬯᬢ᭄᭞ᬢ᭄ᬯᬭᬩᬶᬱᬗᭂᬚᬂᬢᬺᬱ᭄ᬡᬵ᭟᭒᭑᭙᭟ᬲᬸᬩᬫ᭄ᬮᬶᬤ᭄ᬩᬧᬫᬶᬢᬸᬢᬸᬃ
᭞ᬢ᭄ᬓᬾᬦ᭄ᬲᬂᬲᬸᬕᬶᬳᬾ᭞ᬫᬗ᭄ᬤᬫᬤᬵᬦᬤᬶᬕᬢᬶ᭞ᬭᬶᬂᬲᬂᬮᬭᬓᬯ᭄ᬮᬸᬲ᭄‌ᬳ᭄ᬬᬸᬦ᭄᭞ᬫᬧᬹᬡ᭄ᬬᬭᬶᬂᬲᬗᬧᬢᬹᬢ᭄᭞ᬤᬾᬦᬶᬂᬕᬸᬡᬦᬾᬳᬶᬩ᭄ᬭᬡᬵ᭞ᬳᬩ᭄ᬲᬶᬓ᭄‌ᬢ᭄ᬯᬄᬕᬸᬡᬦᬶᬧᬸᬦ᭄᭞ᬬᬦᬶᬂᬮᬾᬦ᭄ᬩᬦ᭄ᬜᬮᬮᬦᬂ᭞ᬫᬤᬦ᭄ᬮᬭᬓᬢᬶ
ᬯᬲ᭄᭟᭒᭒᭐᭟ᬬᬦ᭄ᬳᬶᬤᬲᬂᬍᬯᬶᬳᬶᬂᬧᬓᬳ᭄ᬬᬸᬦ᭄᭞ᬢᬢᬲ᭄ᬭᬶᬂᬧ᭄ᬭᬚ᭄ᬜᬦᬾ᭞ᬢ᭄ᬯᬭᬢᬳᬾᬦ᭄ᬳᬶᬤᬤ᭄ᬫᬶᬢ᭄᭞ᬢᬸᬯᬶᬧ᭄ᬭᬫᬦᬦᬾᬮᬸᬗ᭄ᬲᬸᬃ᭞ᬬᬦ᭄ᬲᬸᬩᬫᬨᬮᬳᬬᬸ᭞ᬤᬾᬦᬶᬂᬳᬶᬤᬢᬢᬲ᭄ᬯᬶᬓᬦ᭄᭞ᬦᬾᬦᬾ