[᭕᭗ 57B]
᭕᭗
ᬢᭂᬓᬾᬦᬶᬂᬢᬶᬢ᭄ᬬᬂᬫᬫᬸᬜᬶ᭞ᬫᬗ᭄ᬓᬶᬜ᭄ᬘᭂᬦ᭄ᬤᭂᬓᬢᬹᬃᬢᬶᬢ᭄ᬬᬂ᭞ᬫ᭄ᬭᬶᬓᬵᬗ᭄ᬮᭀᬤᬂᬕ᭄ᬮᬶᬲ᭄ᬕᭂᬮᬶᬲ᭄᭞ᬤ᭄ᬭᬶᬓᬵᬕᭂᬦᬄᬫᬺᬫ᭄ᬩᭂᬘᬶᬓ᭄᭞ᬧᬂᬤᬲᬮᬄᬦᬦ᭄ᬤᬂᬢᬢᬸ᭞ᬲᬶᬭᬧᬜ᭄ᬚᬶ
ᬓ᭄ᬜᭂᬫ᭄ᬗᬸᬘᬧ᭄᭞ᬗᬸᬤᬭᬢᬸᬲᭂᬗᬶᬢ᭄ᬩ᭄ᬭᬗ᭄ᬢᬶ᭞ᬜᬮᬶᬢ᭄ᬓᬬᬸᬦ᭄᭞ᬢᭂᬓᬾᬦᬶᬂᬧᬜ᭄ᬚᬶᬓ᭄ᬓᭂᬢᭀᬓᬩ᭄᭞ᬳᬶᬧᬸᬦ᭄ᬧᭀᬮᬶᬄᬢᬶᬢ᭄ᬬᬂᬗ᭄ᬭᬦ᭄ᬥᬄ᭞ᬫᬜᬭᬄ
ᬫᭂᬦᬂᬫᬜᬸᬭᬶᬢ᭄᭞ᬳᬶᬤᬓ᭄ᬯᬰᬫᬗᭀᬤᬕᬂ᭞ᬭᬯᬸᬳᬶᬂᬢᬶᬢ᭄ᬬᬂᬩᬕᬸᬲ᭄ᬧᬜ᭄ᬚᬶ᭞ᬳᬶᬗ᭄ᬕᬶᬄᬳᬾᬓᭀᬓ᭄ᬢᬸᬤᬸᬄᬫᬗ᭄ᬓᬶᬦ᭄᭞ᬚᭀᬄᬤᬶᬓᬧᬦ᭄ᬳᬶᬧᬸᬦ᭄ᬧᬸᬭᬸ
ᬦ᭄᭞ᬧᬘᬂᬢᬸᬗ᭄ᬓᬲ᭄ᬭᬶᬂᬕᬸᬲ᭄ᬢᬶᬦ᭄ᬜ᭞ᬲᬫᬶᬳᬶᬧᬸᬦ᭄ᬧᬥᬳᬚ᭄ᬭᬶᬄ᭞ᬢ᭄ᬓᬾᬦ᭄ᬭᬢᬸ᭞ᬕᬸᬲ᭄ᬢᬶᬧᬦᭂᬫ᭄ᬩᬳᬦ᭄ᬢᬶᬢ᭄ᬬᬂ᭟ᬲᬫ᭄ᬩᬶᬮ᭄ᬗᭂᬮᬸᬢ᭄ᬢᬶᬢᬶᬃᬗᬭᬲ᭄᭞ᬳᬶᬗ᭄ᬕᬶᬄᬳ
[᭕᭘ 58A]
ᬦᬓᬕᬸᬂᬳᬶᬲ᭄ᬢ᭄ᬭᬶ᭞ᬢᬶᬢ᭄ᬬᬂᬧᬫᬶᬢ᭄ᬭᬶᬂᬳᬶᬥᬾᬯᬵ᭞ᬯᬦ᭄ᬢᬄᬕᬸᬲ᭄ᬢᬶᬫᬗᬶᬘ᭄ᬘᬾᬦᬶᬦ᭄᭞ᬫᭂᬤᭂᬫ᭄ᬗᬮᭀᬤᬂᬫᬗ᭄ᬓᬶᬦ᭄᭞ᬤ᭄ᬬᬄᬦᬯᬂᬰᬰᬶᬄᬫᬲᬳᬸᬢ᭄᭞ᬅᬄᬧᬫᬗ᭄ᬓᬢ
ᬳᬸᬕᬵ᭞ᬩᬗ᭄ᬕᬶᬲᬶᬭᬳᬓ᭄ᬯᬾᬄᬧᬸᬢ᭄ᬭᬶ᭞ᬓᬾᬦᬓᬶᬗ᭄ᬲᬸᬦ᭄᭞ᬦᭀᬭᬫᭂᬗ᭄ᬕᬄᬜᬗ᭄ᬕᭂᬮᬦ᭟ᬲᬳᬸᬃᬧᬜ᭄ᬚᬶᬲᬶᬗ᭄ᬳᬵᬜ᭄ᬚᬬ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬧᬫᬶᬢ᭄᭞ᬕᬸᬲ᭄ᬢᬶ᭞
ᬮᬫᬸᬦ᭄ᬳᬶᬤᬲᬸᬩᬲᬶᬦᬄ᭞ᬩᬾᬩᬲ᭄ᬗᬶᬘ᭄ᬘᬾᬦᬶᬦ᭄ᬳᬶᬧᬜ᭄ᬚᬶ᭞ᬯᬶᬭᬾᬄᬕᬸᬲ᭄ᬢᬶᬫᬦ᭄ᬤᬶᬱ᭄ᬝ᭄ᬭᬶᬓᬶᬦ᭄᭞ᬫ᭄ᬭᬾᬦ᭄ᬢᬄᬗᬸᬤᬸᬳᬂᬳᬶᬩᬸᬤᬸᬄ᭞ᬤᭀᬂᬲᬗ᭄ᬯᬶᬦ᭄ᬢᬶᬢ᭄ᬬᬂᬤᬾᬯᬵ᭞
ᬳᬦ᭄ᬢᬸᬓ᭄ᬕᬦ᭄ᬢᬾᬦ᭄ᬲᭂᬧᬄᬕᬸᬲ᭄ᬢᬶ᭞ᬩ᭄ᬯᬶᬦ᭄ᬫᬲᬳᬸᬢ᭄᭞ᬤ᭄ᬬᬄᬦᬯᬂᬉᬮᬦ᭄ᬲᬃᬚ᭄ᬚᬯᬵ᭟ᬩᬲᬓᬾᬄᬯᬶᬢ᭄ᬧᬭᬭᬲᬦ᭄᭞ᬳᬶᬤᬾᬯᬗᬕᭀᬮ᭄ᬫᬫᬸᬜᬶ᭞ᬤ᭄ᬭᬶᬓᬵ
Page:Bali-lontar-paparikan-malat-01-550ppi.pdf/58
This page has been proofread.
