[᭕᭖ 56B]
᭕᭖
ᬓᬘᬸᬦ᭄ᬤᬸᬓ᭄᭞ᬲᬶᬭᬢᬸᬫᭂᬗ᭄ᬕᬸᬂᬳᬗᬸᬘᬧ᭄᭟ᬤᬸᬄᬲᭀᬯᬾᬧᬓᬦᬶᬭ᭞ᬧᬸᬓᬸᬮᬸᬦ᭄ᬗᬦ᭄ᬢᭀᬲ᭄ᬳᬶᬭᬶᬓᬶ᭞ᬫᬶᬗᬶᬲ᭄ᬲᬶᬭᬫᬮᬢ᭄ᬭᬰ᭄ᬫ᭄ᬬᬵ᭞ᬲᬓᭂᬤᬧᬶᬗ᭄ᬲᬸᬦ᭄ᬭᬶᬂᬧᬹᬭᬶ᭞ᬭᬭᬶ
ᬲ᭄ᬦᭂᬕᬓ᭄᭞ᬲᬶᬭᬧᬜ᭄ᬚᬶ᭞ᬳᬶᬧᬢᬶᬄᬫᬢᬹᬃᬕᬸᬫᬸᬬᬸ᭞ᬓᬦ᭄ᬢᭂᬦ᭄ᬢᬡ᭄ᬥᬲᬲᬸᬃᬬᬦ᭄᭞ᬘᬶᬭᬶᬦ᭄ᬲᭂᬩᭂᬢ᭄ᬲᬓᬶᬢᬵᬢᬶ᭞ᬤ᭄ᬯᬦᬶᬂᬓᭂᬩᬸᬲ᭄᭞ᬲᭂᬓᬭᬾᬳᬶᬘᬮ᭄ᬳᬲᬶᬕᬃ᭟ᬢᬍᬃ
ᬗ᭄ᬕᬯᬾᬓᬩᬗ᭄ᬓᬶᬢᬦ᭄᭞ᬭᬶᬂᬢᬶᬮ᭞ᬓᭂᬘᬕ᭄ᬳᬓᬢᬶᬄ᭞ᬓ᭄ᬜᭂᬫ᭄ᬲᬶᬭᬫᬮᬢ᭄ᬭᬰ᭄ᬫᬶᬦ᭄᭞ᬗᬸᬲᬸᬤᬶᬦ᭄ᬲᭂᬓᬃᬤᬶᬓᬸᬧᬶᬂ᭞ᬲᬸᬓᬓ᭄ᬜᬶᬂᬯᬢᭂᬓ᭄ᬫᬦ᭄ᬢ᭄ᬭᬶ᭞ᬗᭀᬘᬧ᭄ᬲᬂᬧ
ᬜ᭄ᬚᬶᬫᬮᬢ᭄ᬓᬸᬂ᭞ᬫᬶᬗᬶᬲ᭄ᬧᬜ᭄ᬚᬶᬲᬶᬗ᭄ᬳᬵᬜ᭄ᬚᬬ᭞ᬯᭂᬗᬶᬲᬵᬫ᭄ᬧᬸᬦ᭄ᬗᭂᬜᬶᬢ᭄ᬲᬸᬦ᭄ᬤᬶᬄ᭞ᬧᬥᬫᬦ᭄ᬢᬸᬓ᭄᭞ᬯᬢᭂᬓ᭄ᬢᬗ᭄ᬓᬶᬮᬦᬾᬲᬫ᭄ᬬᬦ᭄᭟ᬚᬭᬦ᭄ᬦᬶᬭᬵᬱ
[᭕᭗ 57A]
ᬯᬸᬲ᭄ᬦᬶᬤ᭄ᬭᬵ᭞ᬲᬶᬭᬧᬜ᭄ᬚᬶᬢᬦ᭄ᬲᬄᬫᬭᬶᬂ᭞ᬩᬮᬾᬫᬸᬚᬸᬃᬳᬶᬓᬂᬓᬶᬮ᭄ᬬᬦ᭄᭞ᬤ᭄ᬬᬄᬦᬯᬂᬉᬮᬦ᭄ᬓᬧᬗ᭄ᬕᬶᬄ᭞ᬤᬶᬳᬫ᭄ᬩᬾᬦᬾᬫᬮᬶᬗ᭄ᬕᬶᬄ᭞ᬩᭂᬗᭀᬂᬩᭂᬗᭀᬂᬲᬯᬂ
ᬳᬶᬩᬸᬓ᭄᭞ᬲᬂᬧᬜ᭄ᬚᬶᬦ᭄ᬤᭂᬲᭂᬓ᭄ᬜ᭄ᬚᬕ᭄ᬚᬕ᭄᭞ᬗᭂᬮᬸᬢ᭄ᬗᬭᬲ᭄ᬲᬫ᭄ᬩᬶᬮ᭄ᬗᬩᬶᬦ᭄᭞ᬦᭂᬓᭂᬧ᭄ᬢᬢᬸ᭞ᬤᬶᬢᬗ᭄ᬓᬄᬋᬫᬸᬓ᭄ᬩᬦ᭄ᬦᬓᬵ᭟ᬲᬶᬭᬦᬯᬂᬰᬰᬶᬄᬗᬸᬘᬧ᭄
ᬇᬄᬲᬶᬭᬫᬗᬸᬦ᭄ᬤᬂᬫ᭄ᬭᬶᬓᬶ᭞ᬧᬸᬧᬸᬢ᭄ᬯᭂᬮᬲ᭄ᬫᬦᬄᬢᬶᬢ᭄ᬬᬂ᭞ᬲᭂᬓᭂᬦ᭄ᬫᬫᬶᬭᬕᬶᬳᭀᬃᬣᬶ᭞ᬳᬦ᭄ᬢᬸᬓ᭄ᬫᭀᬭᭀᬲ᭄ᬫᬵᬫ᭄ᬧᭂᬢᬶᬦ᭄᭞ᬤᭂᬓ᭄ᬤᭂᬓᬺᬫᬸᬓᬦ᭄ᬢᬸᬓ᭄ᬓᬸᬓᬸ᭞
ᬲᬵᬫ᭄ᬧᬸᬦ᭄ᬗᬬᬸᬄᬧ᭄ᬭᬾᬦ᭄ᬢᬄᬯᬤᭀᬦ᭄᭞ᬢ᭄ᬯᬭᬚᭂᬗᬄᬢ᭄ᬓᬾᬦ᭄ᬫᬸᬜᬶ᭞ᬗᬓᬸᬩᬕᬸᬲ᭄᭞ᬓᬲᬶᬤᬾᬦ᭄ᬢᭂᬓᭂᬦᬶᬂᬲᭀᬫᬄ᭟ᬤᬯᭂᬕᬾᬗᬸᬢᬸᬲ᭄ᬳᬶᬭᬗ᭄ᬕᬵ
Page:Bali-lontar-paparikan-malat-01-550ppi.pdf/57
This page has been proofread.
