[᭕᭘ 58B]
᭕᭘
ᬢ᭄ᬯᬭᬫ᭄ᬩᬳᬦ᭄ᬲᭂᬧᬄ᭞ᬲᬶᬭᬧᬜ᭄ᬚᬶᬲᬳᬸᬃᬫᬶᬗᬶᬲ᭄᭞ᬤ᭄ᬭᬶᬓᬳᬦᬓ᭄ᬫᬲᬲᬶᬭᬶᬄ᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬲ᭄ᬥᬄᬭᬢᬸ᭞ᬢᬶᬢ᭄ᬬᬂᬯᬶᬢ᭄ᬦᬾᬦ᭄ᬢᭂᬦ᭄ᬗᬗ᭄ᬕᬾᬬᬂ᭞ᬲᭂᬧᬄᬚᬯ
ᬦᬶᬂᬳᬶᬕᬸᬲ᭄ᬢᬶ᭞ᬭᬭᬶᬲ᭄ᬧᭂᬲᬸ᭞ᬲᬶᬭᬧᬜ᭄ᬚᬶᬫᬗᬗᬶᬦᬂ᭟ᬢᬦ᭄ᬫᬭᬶᬗᬸᬗ᭄ᬲᬶᬓᬢᬫᬦ᭄᭞ᬳᬶᬓᭂᬫ᭄ᬩᬃᬮᬦ᭄ᬢᬲ᭄ᬓᬧᬗ᭄ᬕᬶᬄ᭞ᬲ᭄ᬥᭂᬓᬦ᭄ᬫᬦᬫ᭄ᬧᬘᬦᬂ᭞ᬳᬶᬯᬶᬱᬧᬢᬶ
ᬫᬓᬤᬶ᭞ᬤᬶᬳᬫ᭄ᬩᬾᬦᬾᬫᬮᬶᬗ᭄ᬕᬶᬄ᭞ᬩᭂᬗᭀᬂᬫᭀᬫᭀᬢ᭄ᬗᬯᬲ᭄ᬲᬸᬳᬸᬂ᭞ᬳᬶᬦᬸᬓ᭄ᬱ᭄ᬫᬫᬗᬶᬭᬶᬗᬂ᭞ᬲᬶᬭᬧᬜ᭄ᬚᬶᬫᬜ᭄ᬚᬶᬗᬶᬦ᭄᭞ᬫᬦ᭄ᬢᭂᬕ᭄ᬢᬫ᭄ᬧᬸᬮ᭄᭞ᬤ᭄ᬬᬄᬯᬶ
ᬱᬵᬃᬱᬯᬸᬲ᭄ᬢᭂᬥᬸᬦ᭄᭟ᬧᬸᬢ᭄ᬭᬶᬯᬶᬱᬧᬢᬶᬫᬭᬲ᭄᭞ᬭᬾᬄᬲᬾᬗᭂᬄᬲᬲᭂᬩᭂᬂᬩ᭄ᬭᬗ᭄ᬢᬶ᭞ᬧᬶᬦᬄᬓᭂᬘᬸᬤ᭄ᬗᬫᭀᬂᬮᬭ᭞ᬲᬂᬧ᭄ᬭᬜ᭄ᬚᬶᬗᭂᬮᬸᬢ᭄ᬫᬗᬩᬶᬦ᭄᭞ᬲ
[᭕᭙ 59A]
ᬫ᭄ᬩᬶᬮ᭄ᬗᬶᬧᬸᬄᬦᬶᬫᬦ᭄ᬧᬶᬧᬶ᭞ᬦᬧᬶᬲᬮᬄᬢᬶᬢ᭄ᬬᬂᬭᬢᬸ᭞ᬓ᭄ᬭᬡᬩ᭄ᬗᭀᬂᬫᭂᬘᬸᬓ᭄ᬯᬶᬫ᭄ᬩ᭞ᬢ᭄ᬯᬭᬫᬫᬸᬜᬶᬗᭀᬘᬧᬶᬦ᭄᭞ᬲᭂᬩᭂᬂᬗᬫ᭄ᬩᬸᬮ᭄᭞ᬳᬶᬯᬶᬱᬧᬢᬶᬲᬢᬢᬵ᭟
ᬓᭂᬦᭂᬄᬩᬸᬓᬵᬧᬗ᭄ᬕᬸᬂᬢᭂᬕᬓ᭄᭞ᬓᬂᬓᬂᬧᬸᬗ᭄ᬕᬸᬗᬾᬳᬸᬮᬸᬭᬶᬦ᭄᭞ᬢᭀᬂᬢᬳᬾᬦ᭄ᬫᬤᭀᬮᬄᬲᭀᬫ᭄ᬬᬵ᭞ᬩᬦᬶᬢ᭄ᬓᬾᬦ᭄ᬕᬭᬸᬮᬓᬶ᭞ᬲᬗ᭄ᬓᬦ᭄ᬫᬧᬶᬮᬸᬫᬘᬓ᭄ᬮᬶ᭞
ᬢᬸᬦ᭄ᬤᬾᬦ᭄ᬗᬮᬶᬄᬢ᭄ᬯᬭᬭᬳᬸᬄ᭞ᬭᬾᬄᬳᬤᬩ᭄ᬯᬢ᭄ᬭᬯᭀᬲᬂ᭞ᬢ᭄ᬯᬭᬓᬾᬢᭀᬢᬶᬗ᭄ᬓᬄᬢᬶᬗ᭄ᬕᬶᬳ᭄᭞ᬫᭂᬦ᭄ᬥᭂᬧ᭄ᬗᬸᬦ᭄ᬢᬸᬓ᭄᭞ᬳᬶᬯᬶᬱᬧᬢᬶᬓᬳᬸᬍᬂ᭟ᬓᬶᬜ᭄ᬘᭂᬄᬢᬓᬸᬢ᭄
ᬢᬦ᭄ᬲᬶᬧᬶᬭᬵ᭞ᬭᬾᬄᬢᬸᬫ᭄ᬩᬾᬦ᭄ᬓᬓᬾᬦᬾᬧᬗ᭄ᬕᬶᬄ᭞ᬲᬶᬭᬧᬜ᭄ᬚᬶᬫᬮᬶᬄᬗᬸᬘᬧ᭄᭞ᬓᬾᬦ᭄ᬓᬾᬦ᭄ᬳᬶᬦᬸᬓ᭄ᬱ᭄ᬫᬵᬚᬦᬶ᭞ᬧᬘᬂᬫᬶᬮᬸᬫᬋᬗᬶᬦ᭄᭞ᬭᬾᬄᬜ
Page:Bali-lontar-paparikan-malat-01-550ppi.pdf/59
This page has been proofread.
