[᭙᭔ 94B]
᭙᭔
ᬤᬶᬯ᭄ᬬᬲ᭄ᬢ᭄ᬭᬳᬮᬸᬗᬶᬤ᭄᭞ᬧ᭄ᬕᬢ᭄ᬢᬫ᭄ᬧᬰᬭ᭞ᬢᬂᬮᬶᬧᬸᬂᬢᬶᬩᬾᬂᬍᬫᬄ᭞ᬓ᭄ᬭᭀᬥᬤᬸᬃᬮᬓ᭄ᬱᬡᬲ᭄ᬗᬶᬃ᭞ᬢ᭄ᬤᬸᬦ᭄ᬭᬶᬂᬭᬢ᭞ᬳᬫᬸᬢᭂᬃᬢᬂᬥᬦ᭄ᬥᬵᬕ᭄ᬦᬶ᭟᭐᭟ᬓ᭄ᬭᬸᬭᬓᬵᬭᬲᬶᬭᬳᬤ᭄ᬯᬦᬤ᭄ᬯᬦᬬᬸᬤ᭄ᬥ᭞ᬧᬥᬵ
ᬢᬶᬲᬬᬾᬂᬰᬓ᭄ᬢᬶ᭞ᬮ᭄ᬯᬶᬃᬲᬸᬦ᭄ᬤᭀᬧᬲᬸᬦ᭄ᬤ᭞ᬫᬗ᭄ᬲᭂᬄᬭᬓ᭄ᬭᬶᬬᬦ᭄ᬤᬸᬃᬮᬪ᭞ᬲᬭᭀᬱᬢ᭄ᬓᬫᬦᬳᬶ᭞ᬰᬭᬲᬫ᭄ᬧᬵᬢ᭞ᬮ᭄ᬯᬶᬃᬯᬃᬱᬳᬫ᭄ᬦᬸᬳᬶ᭟᭐᭟ᬦ᭄ᬤᬦ᭄ᬧᬶᬦᬧᬕ᭄᭞ᬤᬾᬦᬶᬂᬭᬓ᭄ᬭᬶᬬᬦ᭄ᬲᬸᬢᬤᬾᬯ᭞
ᬉᬫᬶᬩ᭄ᬓᬶᬥᬶᬓ᭄ᬯᬶᬥᬶᬓ᭄᭞ᬓᬂᬰᬭᬮᬸᬫ᭄ᬧᬲ᭄᭞ᬤᬸᬃᬮᬪᬲᬶᬭᬢᬗ᭄ᬕᬮ᭄᭞ᬧ᭄ᬭᬢᬶᬲᬵᬬᬓᬫᬶᬦᬸᬱ᭄ᬝᬶ᭞ᬍᬧᬲ᭄ᬮ᭄ᬯᬶᬃᬚᬮ᭞ᬤᬵᬭᬗᬶᬩ᭄ᬓᬶᬮᬗᬶᬢ᭄᭟᭐᭟ᬓᬲᬧᬸᬢᬦ᭄ᬧ᭄ᬭᬪᬲᬂᬳ᭄ᬬᬂᬤᬶᬯᬗ᭄ᬓᬵᬭ᭞ᬲᬸᬢᬤᬾ
ᬯᬦᬗ᭄ᬕᬸᬮᬶ᭞ᬤᬾᬦᬶᬂᬩᬬᬸᬩᬚ᭄ᬭ᭞ᬋᬧ᭄ᬲᬵᬓ᭄ᬱᬡᬮᬸᬫ᭄ᬧᬲ᭄᭞ᬥ᭄ᬯᬲ᭄ᬢᬂᬳ᭄ᬭᬸᬤᬸᬃᬮᬪᬲ᭄ᬗᬶᬢ᭄᭞ᬦ᭄ᬭᬘᬤᬸᬃᬥᬦ᭞ᬧᬗᬼᬧᬦ᭄ᬦᬶᬭᬾᬂᬳᬭᬶ᭟᭐᭟ᬓᬤᬶᬳᬗ᭄ᬲᬳᬗ᭄ᬮᬬᬂᬭᬶᬂᬦᬪᬲ᭄ᬢᬮ᭞ᬲᬸ
[᭙᭕ 95A]
ᬢᬤᬾᬯᬫᬲ᭄ᬗᬶᬢ᭄᭞ᬫᬃᬕ᭄ᬕᬦᬲᬵᬫ᭄ᬧᬢ᭞ᬧᬗᬼᬧᬲ᭄ᬦᬶᬭᬾᬂᬳᬯᬦ᭄᭞ᬓᬸᬫᬶᬲᬶᬓ᭄ᬢᭂᬫ᭄ᬧᬸᬦ᭄ᬬᬾᬦ᭄ᬬᬂᬮᬗᬶᬢ᭄᭞ᬧᬥᬓᬧᬧᬕ᭄᭞ᬰᬷᬃᬡ᭄ᬦᬢᬸᬫᬶᬩᬾᬂᬓ᭄ᬱᬶᬢᬶ᭟᭐᭟ᬰᬷᬖ᭄ᬭᬫᬗ᭄ᬲᭂᬄᬢᬸᬫᬦ᭄ᬤᬂᬭᬓ᭄ᬭᬶ
ᬬᬦ᭄ᬤᬸᬃᬦᬬ᭞ᬧᬓ᭄ᬱᬳᬢᬸᬮᬸᬂᬕᬶᬧᬶᬄ᭞ᬳᬗ᭄ᬭᬧᬓᭂᬦ᭄ᬭᬢᬫ᭄ᬤᬢ᭄ᬭᬧᬸᬢ᭄ᬭᬳᬜᬦ᭄ᬤᬓ᭄᭞ᬳᬤ᭄ᬯᬦ᭄ᬤ᭄ᬯᬦ᭄ᬗᬤᬸᬓᬰᬓ᭄ᬢᬶᬦ᭄᭞ᬰᬹᬭᬮᬖᬯ᭞ᬧᬥᬵᬕᬸᬮᬕᬸᬮ᭄ᬓᬮᬶᬄ᭟᭐᭟ᬰᬷᬖ᭄ᬭᬫᭂᬦ᭄ᬢᬂᬮᬭᬲ᭄ᬲᬂᬫ
ᬦ᭄ᬢ᭄ᬭᬶᬤᬸᬃᬦᬬ᭞ᬳᬗᬼᬧᬲᬶᬲᬸᬰᬓ᭄ᬢᬶ᭞ᬓᬃᬬ᭄ᬬᬾᬂᬅᬦ᭄ᬢᬭᬶᬓ᭄ᬱ᭞ᬰᬷᬃᬡ᭄ᬩᬲ᭄ᬬᬄᬲᬵᬓ᭄ᬱᬶᬦᬯᬢ᭄᭞ᬤᬾᬦᬶᬂᬳᬶᬲᬸᬢᬶᬓ᭄ᬱ᭄ᬡᬮᬸᬗᬶᬤ᭄᭞ᬧᬢᬗ᭄ᬓᬶᬲᬶᬭ᭞ᬤᬢ᭄ᬭᬧᬸᬢ᭄ᬭᬲᬸᬰᬓ᭄ᬢᬶ᭟᭐᭟ᬰᬺᬗᭂᬦᬦᬺᬓ᭄ᬫᬋ
ᬓ᭄ᬕᬸ᭞ᬭᬶᬢ᭄ᬭᬢᬦᬶᬭ᭞ᬭᬓ᭄ᬭᬶᬬᬦ᭄ᬤᬸᬃᬬᬰᬗᬸᬗ᭄ᬲᬶ᭞ᬳᬫᬸᬱ᭄ᬝᬶᬢ᭄ᬭᬶᬲᬸᬮ᭞ᬧ᭄ᬭᬧ᭄ᬢᬵᬗ᭄ᬤᬸᬓ᭄ᬱᬓᬶᬂᬭᬢ᭞ᬢᬸᬗ᭄ᬕᭂᬂᬢᬦ᭄ᬢᭂᬢᭂᬲ᭄ᬲᬂᬫᬦ᭄ᬢ᭄ᬭᬷ᭞ᬤᬢ᭄ᬭᬢᬦᬬ᭞ᬰᬷᬖ᭄ᬭᬩᬗᬸᬦᬧᬸᬮᬶᬄ᭟᭐᭟ᬦᬫ᭄ᬩᬸᬢ᭄ᬕᬢ᭄ᬕᬥ
Page:Bali-lontar-gaguritan-wiryya-guna-a-300ppi.pdf/95
Jump to navigation
Jump to search
This page has been proofread.
