[᭙᭓ 93B]
᭙᭓
ᬗ᭄ᬓᬶᬢ᭄ᬧ᭄ᬭᬂᬅᬤ᭄ᬪᬸᬢᭀᬢᬭᭀᬢᬭᬦ᭄᭞ᬓᬤᬶᬘᬓ᭄ᬭᬧᬶᬦᬸᬲᬶᬂ᭞ᬮ᭄ᬯᬶᬭᬤ᭄ᬭᬶᬳᬶᬫᬯᬵᬦ᭄᭞ᬳᬧᬕᬸᬢ᭄ᬭᬶᬂᬲᬫᬸᬤ᭄ᬭ᭞ᬢᬦᬦᬲᭀᬃᬢᬦᬦᬮ᭄ᬯᬶᬄ᭞ᬫ᭄ᬩᬸᬩᬢ᭄ᬩᬶᬦᬸᬩᬢ᭄᭞ᬧᬥᬫᬳᬵᬲᬸᬰᬓ᭄ᬢᬶ᭟᭐᭟ᬲᬂᬤᬸᬃᬯ
ᬦ᭄ᬬᬫᬫᬦᬄᬭᬶᬂᬅᬤ᭄ᬥᬘᬦ᭄ᬤ᭄ᬭ᭞ᬳᬾᬫᬦ᭄ᬢᬦᬗ᭄ᬕᬭᬶᬢᬶᬧ᭄᭞ᬧ᭄ᬕᬢ᭄ᬭᬶᬗᬫ᭄ᬩᬭ᭞ᬧᬶᬦᬦᬄᬧᬦᬳᬶᬭ᭞ᬤᬸᬃᬯᬓ᭄ᬬᬦ᭄ᬭᭀᬤᬫᬍᬲᬶ᭞ᬰᬶᬮᬵᬤ᭄ᬭᬶᬓᬸᬝᬵ᭞ᬓ᭄ᬭᬸᬭᬓᬵᬭᬳᬗᬺᬋᬱᬶ᭟᭐᭟ᬦ᭄ᬤᬦ᭄ᬲᬂᬲ᭄ᬯᬭᬵᬦ᭄ᬢ
ᬓᬧ᭄ᬭᬬᬢ᭄ᬦᬳᬫᬧᬕ᭄᭞ᬳᬗᬼᬧᬲ᭄ᬮᬗ᭄ᬖᬮᬮᬸᬗᬶᬤ᭄᭞ᬳᭀᬳᬵᬲᬧ᭄ᬭᬵᬲᬵᬤ᭞ᬧ᭄ᬭᬓᬢᬧᬋᬂᬍᬧᬲ᭄᭞ᬕᬸᬦ᭄ᬢᬸᬃᬲᬵᬓ᭄ᬱᬡᬢ᭄ᬗᬳᬶᬂ᭞ᬭᬡᬵᬗ᭄ᬕᬫᬥ᭄ᬬ᭞ᬧᬸᬦ᭄ᬤᬸᬃᬯᬓ᭄ᬬᬳᬲ᭄ᬗᬶᬢ᭄᭟᭐᭟ᬳᬗᬼᬧᬲ᭄ᬰ
ᬭᬲᬬᬓᬕ᭄ᬦᬶᬭᬹᬧ᭞ᬲ᭄ᬯᬭᬵᬦ᭄ᬢᬓᬳᬍᬲᬶ᭞ᬭᬶᬂᬳ᭄ᬭᬸᬲᬵᬫ᭄ᬩᬃᬢᬓ᭞ᬋᬧ᭄ᬫᬵᬯᬓᬦ᭄ᬤᬓᬵᬭ᭞ᬢᬶᬩᬂᬯᬃᬱᬤᬸᬮᬸᬭᬗᬶᬦ᭄᭞ᬤ᭄ᬯᬬ᭄ᬢᬗᬦᬮ᭞ᬤᬸᬃᬯᬓ᭄ᬬᬦ᭄ᬭᭀᬥᬲ᭄ᬗᬶᬢ᭄᭟᭐᭟ᬰᬶᬖ᭄ᬭᬢ᭄ᬤᬸᬦ᭄ᬲᬓᬶᬂ
[᭙᭔ 94A]
ᬭᬢᬦᬫ᭄ᬩᬸᬢ᭄ᬕᬥ᭞ᬫᬤ᭄ᬯᬦ᭄ᬤ᭄ᬯᬦ᭄ᬲᬶᬮᬶᬳᬸᬗ᭄ᬲᬶ᭞ᬮᬦ᭄ᬧᬸᬦ᭄ᬲ᭄ᬯᬭᬵᬦ᭄ᬢᬓ᭞ᬫᬧᬺᬧ᭄ᬲᬶᬮᬶᬄᬩᬦ᭄ᬥ᭞ᬢᬸᬫᬦ᭄ᬤᬂᬲᬶᬭᬲᬂᬫᬦ᭄ᬢ᭄ᬭᬷ᭞ᬓ᭄ᬭᬶᬬᬦ᭄ᬤᬸᬃᬮᬓ᭄ᬱᬡ᭞ᬧᬶᬦᬕᬸᬢ᭄ᬤᬾᬦᬶᬂᬫᬦ᭄ᬢ᭄ᬭᬷ᭟᭐᭟ᬲᬗᬧᬢ᭄ᬭᬲᬶᬭᬓ᭄ᬭᬶ
ᬬᬦ᭄ᬫᬥᬸᬲᬸᬥᬦ᭞ᬤᬸᬃᬮᬓ᭄ᬱᬡᬫᬦᬳᬶ᭞ᬳᬲ᭄ᬢ᭄ᬭᬦᬵᬕᬧᬰ᭞ᬳᬫᬸᬓᬪᬸᬚᬕᬵᬲ᭄ᬢ᭄ᬭ᭞ᬓ᭄ᬭᬸᬭᬓᬵᬭᬳᬗᬺᬱᬺᬱᬶ᭞ᬫᬥᬸᬲᬸᬥᬦ᭞ᬰᬷᬖ᭄ᬭᬬᬢ᭄ᬦᬫᬍᬲᬶ᭟᭐᭟ᬯᬶᬦᬢᬾᬬᭀᬲ᭄ᬢ᭄ᬭᬓᬤ᭄ᬪᬸᬢᬗᬫᬳ
ᬫᬄ᭞ᬩ᭄ᬭᬱ᭄ᬝᬢᬂᬧᬭᬪᬰ᭄ᬫᬶ᭞ᬓ᭄ᬭᭀᬥᬤᬸᬃᬮᬓ᭄ᬱᬡ᭞ᬳᬗᬼᬧᬲ᭄ᬩᬮᬲᬵᬬᬓ᭞ᬧᬶᬂᬭ᭄ᬯᬲᬶᬭᬯᬶᬦᬍᬲᬶ᭞ᬰᬭᬲᬵᬬᬓ᭞ᬧᬸᬘᬲᬵᬬᬓᬲᬶᬤ᭄ᬥᬶ᭟᭐᭟ᬧ᭄ᬕᬢ᭄ᬭᬫ᭄ᬧᬸᬂᬳ᭄ᬭᬸᬦᬾᬭᬓ᭄ᬭᬶᬬᬦ᭄ᬤᬸᬃᬮᬓ᭄ᬱᬡ᭞
ᬢ᭄ᬓᬾᬂᬭᬢᬲᬵᬭᬣᬶ᭞ᬧ᭄ᬚᬄᬢᬦ᭄ᬧᬰᬭ᭞ᬰᬷᬖ᭄ᬭᬲᬮᬶᬦ᭄ᬯᬳᬦ᭞ᬫᬦᬾᬓ᭄ᬭᬶᬂᬭᬢᬳᬦᬸᬮᬶ᭞ᬳᬕ᭄ᬬᬮᬸᬫ᭄ᬧᬲᬲ᭄᭞ᬮᬶᬧᬸᬗᬶᬭᬲᬸᬰᬓ᭄ᬢᬶ᭟᭐᭟ᬦ᭄ᬤᬦ᭄ᬧᬶᬦᬦᬄᬤᬾᬭᬓ᭄ᬭᬶᬬᬦ᭄ᬫᬥᬸᬲᬸᬥᬦ᭞ᬭᬶᬂ
Page:Bali-lontar-gaguritan-wiryya-guna-a-300ppi.pdf/94
Jump to navigation
Jump to search
This page has been proofread.
