[᭙᭕ 95B]
᭙᭕
ᬳᬫᬸᬧᬸᬄᬰᬢ᭄ᬭᬸᬳᬫ᭄ᬩᬸᬩᬢ᭄᭞ᬤᬸᬃᬪᬬᬲ᭄ᬭᬶᬂᬓᬕᬶᬗ᭄ᬲᬶᬃ᭞ᬘᬾᬢᬦᬵᬫ᭄ᬩᬸᬢ᭄ᬥᬦ᭄ᬥ᭞ᬮᭀᬳᬵᬭᭀᬤ᭄ᬭᬪᬷᬱᬡ᭞ᬲᬶᬦᬾᬧ᭄ᬬᬓᬘᬶᬤ᭄ᬭᬤᬤᬶ᭞ᬓᬦ᭄ᬢᭂᬧ᭄ᬤᬶᬦᬦ᭄ᬤ᭞ᬳᬳᬸᬗ᭄ᬯᬢᬗ᭄ᬕᬮᬢᬗ᭄ᬓᬶᬲ᭄᭟᭐᭟
ᬗ᭄ᬓᬲᬭᭀᬱᬲᬶᬭᬧᬢᬶᬄᬧᬤ᭄ᬫᬦᬵᬪ᭞ᬲᬗᬦᬵᬫᬤᬸᬃᬩᬸᬤ᭄ᬥᬶ᭞ᬫᬓ᭄ᬭᬓᬢᬗ᭄ᬕᬸᬮ᭞ᬢᬸᬮ᭄ᬬᬓᬵᬮᬵᬗᬶᬦ᭄ᬤᬭᬵᬢ᭄᭞ᬳᬗᬫᬸᬓᬗᬸᬩᬢᬩᬶᬢ᭄᭞ᬭᬶᬂᬅᬲ᭄ᬢ᭄ᬭᬤᬶᬯ᭄ᬬ᭞ᬳᬗᬸᬤᬦᬶᬳᬶᬲᬸᬰᬓ᭄ᬢᬶ᭟᭐᭟
ᬚᬸᬫ᭄ᬮᬕ᭄ᬫᬸᬗ᭄ᬕ᭄ᬯᬶᬂᬋᬗ᭄ᬕᬦᬶᬂᬲᬓᬢᬫᬬ᭞ᬫᭂᬦ᭄ᬢᬂᬕᬦ᭄ᬤᬾᬯᬲᬶᬤ᭄ᬥᬶ᭞ᬢᬦ᭄ᬫ᭄ᬯᬩᭂᬦ᭄ᬢᬃᬩᬸᬩᬃ᭞ᬕᬶᬦᬺᬓᭀᬲᬶᬓ᭄ᬭᬶᬦᬫ᭄ᬧᬓ᭄᭞ᬲᬓ᭄ᬯᬾᬳᬶᬂᬬᭀᬤ᭄ᬥᬧ᭄ᬭᬚᬸᬭᬶᬢ᭄᭞ᬮᬓ᭄ᬱᬦᬶᬬᬸᬢ᭞ᬲᬶᬭᬡᬧ᭄ᬚᬄᬩᬶᬦᬦ᭄ᬢᬶᬂ᭟᭐᭟
ᬰᬷᬖ᭄ᬭᬢᬦ᭄ᬤᬂᬳᬧᬢᬶᬄᬓᬸᬦ᭄ᬥᬭᬳᬲ᭄ᬬ᭞ᬫᬧᬕ᭄ᬬᬓᬶᬂᬤᬸᬃᬩᬸᬤ᭄ᬥᬶ᭞ᬲᬕᬃᬯ᭄ᬯᬪᬷᬱᬡ᭞ᬩᬚ᭄ᬭᬦᬮᬫᬶᬦᬸᬱ᭄ᬝ᭄ᬬ᭞ᬦᬶᬰ᭄ᬘᬮᬗᬤᭂᬕᬺᬗ᭄ᬕᬦᬶᬂ᭞ᬭᬢᬧ᭄ᬭᬤᬶᬧ᭄ᬢ᭞ᬢ᭄ᬓᬗᬸᬤᬦᬶᬰᬓ᭄ᬢᬶ᭟᭐᭟ᬓᭀᬢᬶᬓᭀᬢᬶ
[᭙᭖96A]
ᬍᬧᬲ᭄ᬦᬶᬂᬩᬚ᭄ᬭᬲᬵᬬᬓ᭞ᬳᬫ᭄ᬦᬸᬳᬶᬥᬶᬓ᭄ᬤ᭄ᬯᬶᬥᬶᬓ᭄᭞ᬮ᭄ᬯᬶᬭᬤ᭄ᬭᬶᬳᬗ᭄ᬮᬬᬂ᭞ᬫᬶᬩ᭄ᬓᬶᬪᬹᬃᬪ᭄ᬯᬄᬲ᭄ᬯᬄ᭞ᬯᬸᬗ᭄ᬓᬮ᭄ᬫᬸᬫ᭄ᬩᬸᬮ᭄ᬧᬢᬂᬓᭀᬢᬶ᭞ᬖᭀᬭᬕᭂᬦ᭄ᬢᬸᬭᬦ᭄᭞ᬢᭂᬫ᭄ᬧᬸᬄᬦᬶᬂᬅᬲ᭄ᬢ᭄ᬭᬭᬗ᭄ᬓᬶᬢ᭄᭞᭐᭞ᬕᬶᬦᬺᬓ᭄ᬱᬶ
ᬦ᭄ᬭᬂᬢᬶᬦᬶᬩᬦ᭄ᬲᬭᭀᬧᬦᬦᬵᬲ᭄ᬢ᭄ᬭ᭞ᬕᬶᬦ᭄ᬬᬢ᭄ᬫᬸᬢ᭄ᬮᬓ᭄ᬓᬢᬶᬦ᭄ᬤᬶᬄ᭞ᬓᬤᬶᬤᬢᬸᬫᬸᬜ᭄ᬘᬃ᭞ᬢᬦ᭄ᬧᬫ᭄ᬧᬢᬦ᭄ᬮᬸᬫᭂᬧᬲ᭄᭞ᬓᬸᬫ᭄ᬢᬸᬕ᭄ᬢᬶᬩᬦ᭄ᬬᬾᬂᬓ᭄ᬱᬶᬢᬶ᭞ᬳᬫ᭄ᬭᬶᬓ᭄ᬱ᭄ᬳᬷᬡ᭄ᬦ᭞ᬩᬮᬦᬶᬭᬂᬤᬸᬃᬩᬸᬤ᭄ᬥᬶ᭟᭐᭟ᬓᬤᬶ
ᬮᬃᬯ᭄ᬯᬢᬸᬫᭂᬫ᭄ᬧᬸᬄᬩᬳ᭄ᬦᬶᬭᬶᬂᬓᬸᬦ᭄ᬥ᭞ᬓ᭄ᬱᬡᬮ᭄ᬯᬂᬧᬶᬭᬂᬓᭀᬢᬶ᭞ᬲᬃᬯᬸᬤ᭄ᬥᬦ᭄ᬬᬢ᭞ᬲᬶᬂᬫᬗ᭄ᬲᭃᬪᬰ᭄ᬫᬶᬪᬸᬢ᭞ᬫᬸᬮᬢ᭄ᬲᬶᬭᬶᬓ᭄ᬭᬶᬬᬦ᭄ᬤᬸᬃᬩᬸᬤ᭄ᬥᬶ᭞ᬫᬸᬋᬓ᭄ᬱᬓ᭄ᬭᭀ᭞ᬳᬗ᭄ᬕᭂᬢᭂᬫᬂᬳᬶᬤᬸᬰᬓ᭄ᬢᬶ᭟᭐᭟
ᬧ᭄ᬭᭀᬤ᭄ᬪᬸᬢᬧᬕᬸᬢ᭄ᬦᬶᬂᬧᬥᬅᬤᬶᬓᬵᬭ᭞ᬲᬶᬭᬭᬓ᭄ᬭᬶᬬᬦ᭄ᬤᬸᬃᬩᬸᬤᬶ᭞ᬮᬦ᭄ᬓᬸᬦ᭄ᬥᬭᬳᬲ᭄ᬬ᭞ᬮ᭄ᬯᬶᬃᬭᬸᬤ᭄ᬭᬵᬢ᭄ᬫᬓᬓᬃᬯ᭄ᬯ᭞ᬧᬥᬚ᭄ᬯᬮᬶᬢᬮᬸᬫᬶᬦ᭄ᬤᬶᬄ᭞ᬳᬗᬭᬩᬭᬩ᭄᭞ᬫᬸᬭᬸᬩ᭄ᬢᭂᬓᬾᬂᬳᬯ᭄ᬬᬢᬶ
Page:Bali-lontar-gaguritan-wiryya-guna-a-300ppi.pdf/96
Jump to navigation
Jump to search
This page has been proofread.
