ghoe'. Mon Ghoes Doella noro' akompol, masṭè noro' amaèn kèja.
E nalèka djărèja Ghoes Doella ghi' ta' pènter amaèn, nèng sarat ro'-noro' bhăbăng; molana abă'na ta' patè maèr. Anangèn bit-abit abă'na pas pènter pamaènna, kongsè băngal atataroan abăk radjă, marghă abă'na la arassaè kanjamananna pèssè mennangnga amaèn. Sarrèna abă'na ghi' ngoḍă, ghi' kakorangan akkal towa sè samporna, dhăddhi abă'na ta' ngennèng ngampet napsona. Dhinèng kamaèranna Ghoes Doella sè amaèn tataroan ghellǎ' so'è dhăddhi. Abiddhă-abit, sarrèna kamaèranna ghellă' la èkadhăghing, abă'na pas băngal amaèn amoso Tjèna ghi-soghi, kongsè atosan ropèja tarona. Satèja Ghoes Doella la dhǎddhi tokang maèn tataroan radjă, otangnga sarat saboeloena kolè'na.
Amarghă dări kapènterranna, Ghoes Doella satèja ongghǎ pangkat dhăddhi djhoertolès patè. Nalèka abă'na, ngallèa, sakabbhiǎnna răng-bhărăngnga padă èkala' bi' rèng-orèng sè èotangè abăʼna, mènangka pamadjarră, nèng karè dhåndhănanna malolo.
Aboe-èmboe Mantrè, ramana Ghoes Doella, la amboe ḍări pangghăbăjănna, marghă la seppo. Bhărăng ḍi'-anḍi'na la taḍă kèja èserra'aghi ka otangnga. Sè dhăddhi ḍha'ărră nèng pansijoenna; abă'na ta' ngennèng njombhăng ka Ghoes Doella tjara lăn-bilănna.
Amarghă ḍări sè kasebbhoet Ghoes Doella kodhoe tao mamenḍăng ghădjhina èḍhă'ăr băn èangghoej èkaḍoewăi, sabăb abă'na la ta' ngennèng ngarep partolonganna ramana polè; sombhănganna mattowana ta' saapa, nèng sèttong ḍoewǎ' ropèja, sabăb mattowana djărèja ta' soghi, sarta bănnja' sè èrabădhi. Anangèng Ghoes Doella ta' ngennèng ngampet napsona, marghǎ abă'na ghi' ngoḍă sarta la èkabăbătek.
Saellana Ghoes Doella dhăddhi djhoertolès patè, abă'na so'è kabhoetoan pèssè, marghă kakanan băn babellin laènna paḍă rang-larang. Amarghă djărèja abă'na arassa kara'ang samanè, kongsè lè'-tapalè' bi' otang, ḍi-boeḍina abă'na tapaksa adjhălănnaghi ngen-angenna sè djăhăt.
Sarrèna aba'na la ta' èpartjadjă orèng, taḍa' rèng enḍă' aberri' tang-otangan, ladjhoe adjhoewăl njamana lorana, ngala' otangan bhărăng è ko-toko, njaman mèlè sè èkaterroè, èkabălă èsoro lorana. Băn polè abă'na ngala' otangan bhărăng è ko-toko Bălăndhă mèlè sè èkaterroè, ijă arèja kalabăn ngangghoej ebboen (bon Băl) sè èpasangè tanḍhă-tanangnga lorana, sabăb abă'na tjè' pènterra nèro tanḍhă-tanangnga lorana.
E nalèka sèttong bakto, teppa' arè Ahad, Ghoes Doella mèjos ka bengkona kalèboen sè èkennengngè kompolan para kalèboenan sambi njambi sorat sèttong, pas ngandhika: „Para kalè-
