boenan, sanjatana engko' rèja èpakon kapala Naghără, èkarsa'aghi ngoros kompolla padjhegghă rata (eppir), rèja sorat ḍări towan Pètor, nerrangngaghi, djhă' taghiănna padjhegghǎ rata tjè' ellatta. Molana pèssè padjhek djărèja molaè arè tèja kodhoe passra'aghi ka engko' bădjărrăghi è kantor otabă è tang bengko; tapè ngo'an ghibă ka sang bengko bhăi , sabab è kantor rèja bănnja' lalakon djhoeng kabhoeroeăn. Mon pèssè djărèja bi' engko' la èmaso'aghiă ka boekoe, pas èmaso'aghia ka kantor obăng.”
Prandhinèng sorat sè èdhoedhoeăghi ghella' ta' èpakon bătja ka para kalèboenan, nèng èpatao ḍări djhăoena. Dhăddhi taḍă' sè taoa ka monjèna.
Kalabăn djhălăn tèpoan tjara ghellă' Ghoes Doella ollè narèma pèssè padjhek băgiăn tello boelăn, mènangka orokka bălăndjhǎna.
Bhăb sè bărijă djărèja pas kaonèngan ka Naghără, ladjhoe èparèksa. Dhinèng Ghoes Doella ta' ngennèng mongkèr băn ta' ngennèng alabăn ka dă'wă'ăn ghellǎ'.
Dă'- aḍă'na sakabbhiănna lalakon băn kasala'anna djărèja ètjèttjè'aghiă ka para kalèboenan, sè la ètèpo bi' aba'na ghellă'; anangèng lorong biloe' rèja ta' ghămpang èkennèng patanjeng, abă'na pas ngako sabhenḍerră. Kadhăddhiănna parkara, Ghoes Doella èpotos boewăng kalowar tana Djhăbă.
Saellana abǎ'na abăli ḍări boewăngan, rè-saarèna ngangghoer, asanḍhăkep, taḍă' lalakonna, marghă ta' nemmo lalakon sè èkenneng lakonè abă'na, karana ḍări ghi' kènè' mola ta' toman alalakon kasar, kadjhăbhăna nèng ngator angghoej.
Bărijă kadhăddhiănna orèng ngoḍă sè ghi' ta' tjokop akalla, sarta lèboer norotè napsona.
Tja'na orèng sè wa-towa: bhăb sè andhăddhiăghi kanèspa'an otabǎ kamalaratan băn karosakanna manossa rèja băḍă pa' parkara, ijă arèja: amadhăt, amaèn tataroan, nakal ka orèng babinè' băn mamalèng. Molana bhăb djărèja sènglaè otabă boewǎng padjhăoe! Maskè nèng ḍoewa' otabă tello' parkara sè èlakonè, tanto njalaka'è, tjara bhăb kalakoanna Ghoes Doella ghellă'.
2
MALARAT MARGHĂ BĂḌĂ GHĂBĂJJĂ BHI-NGABBHIĂGHI.
Băḍă orèng Limbăngan [1], Hamdăn njamana, èntar anḍhoen ka Bănḍoeng parlo adjhără ngadjhi.
Anangèng sarrèna abă'na arassa senneng enneng èdjăḍijă,
- ↑ Limbangan rèja njamana afḍeling, satèja anjama afdeling Gäroet, èbhăbă karèsiḍènan Prijangan.
