kat dhǎddhi djhoertolès bădhăna è sèttong ḍistrict. Saellanna
abă’na anḍi’ pangkat djărèja, ladjhoe so’è anggă’ tètèngkan băn
tja'-otja'anna. E băkto djărèja abă'na èpamellèaghi bengko
băn pakaranganna bi' ramana. Bengko djărèja pas èèssè'è
pakakas sapattjrèna sarta èpasangè rarengghăn sè ghoes-bhă-
ghoes, kongsè ta' katon tjara bengkona djhoertolès badhăna, la
sarat bengkona èkalènglèngè korsè antèk; gheḍḍhoengnga pos-
sa' bi' pottrèt băn ghămbhăr, labăngnga paḍa masang tabir
sotra, randjăngnga ngarèksèk tjara katèḍoenganna pangantan.
Dhinèng sakabbhiănna rarengghăn ghellă’ ghăbăjăn băn
atoranna radjina Ghoes Doella, sabăb ngèdhirrăghiă kapènter-
ranna, sè èkaollè nalèka asakola. Anangèng kapènterranna
djărèja ta' ngontongè, la-mala narapasè pèssè.
Laèn ḍări sè kasebbhoet Ghoes Doella ghellă' èmellèaghi bèn-
ḍi băn djhărănna bi' ramana, pakèjanna bădhălăn bără', kalo-
waran fabbrik Inggris. Sabbhăn sar-asar Ghoes Doella bi'
radjina ghellă' nètènè bènḍina, alènglèng è koṭṭa kenneng-
nganna.
Tètèngkan băn lalaghiănna Ghoes Doella sè lènḍhă'ăn ghel-
lă' ta' ghellem èlang. Abă'na ghǎsèk katamojan mo-sarmoan
băn tja-kantjana, ijă arèja pardjadji ngongoḍadhăn, opama:
mantrè sè ḍă-ngoḍă, djhoertolès ban èn-laènna. Dhinèng tamoj-
ja djǎrèja èangka'è manèla otabă siharèt (sigarèt), tamboellă
kakanan kakettja'an, ghăbăjănna radjina. Kakanan sè tjara
djărèja ta' rang-korang èdhălemma Ghoes Doella, sabăb radjina
tjè' lèboerră aghăbăj kakanan sè man-njaman, ijă arèja ngè
dhirrăghi kapènterran kabibinè'anna abă'na sè la èadjhăr è
sakola'an; apa polè Ghoes Doella padjhăt tjè' dhoedjănna ka
kakanan sè man-njaman ghellă', sabăb la toman ḍări ghi' kènè'
mola. Mon Ghoes Doella aḍhă'ăr nasè', djhoeko'na paḍă ola'-
anna radjina otabă la'-ola'an Erropa belliăn è toko; sèpat aḍhă'-
ăr ettè masṭè amo'-amo' kakanan kakettja'an sè man- njaman;
palèng djhoebǎ' biskit.
Pa'-sapa'a sè matja boekoe tjarèta rèja tanto arassa hèran
sarta akarennjet bărijă: „Masa orèng nèng anḍi' gădji ƒ 30
saboelǎn kellar ngakan njaman tjara ghella'?” Sanjatana
Ghoes Doella rèja, maskè abă'na la dhăddhi djhoertolès ollè
gădji ƒ 30, ghi' èsombhăng bi' ramana la-mala ḍhang-kaḍhăng
mattowana njombhăng kèja, kongsè bălăndjhăna lăn-saboelăn-
na ra kèra ƒ 75. Apa polè abă'na lèboer aotang ka băroeng
băn ka ko-toko Tjèna, norotè napsona.
Katjatora adhăddhă orèng è naghărăna ghella', mon teppa'na
orèng apol-kompol è djhăng-ondjhăngan otabă è bengkona orèng
băḍă ghăbăjjă, kappra băḍă maènna, tapè ta' radjă tarona,
nèng ghăn sabinggoelan, palèng radjăna lèma essènan, sabăb
nèng èkaghăbăj boer-leboerăn băn èkaghăbăj tambhăna ghăng-
