Saellana Ghoes Doella aomor 7 taon, ladjhoe èpasakola bi' ramana. Băbătekka so'è rojăl, kangsè ta' menḍăng asango satalè sè èkadjhădjhăn, sabab bănnja' tja-kantjana sè èberri'i. Sèpat abǎ'na asakola, èntar molèna, mastè èpanompa ' ratana ramana. Mon abă'na toron dări sakola'an, ratana mastè possa' bi' tja-kantjana sè paḍă nompang. Prandhinèng Ghoes Doella sè asakola ghella' tje' tarbhoekana, apa polè bhădjheng adjhăr, ghellem ngasorraghi bhadhănna ka ghoeroena, sarta bhaghoes kalakoanna . Amarghă djărèja abă’na èkaèmanè sarta èkaollè'è bi' ghoeroena.
Kaotja'a Ghoes Doella ghella ' so'è abit so'è radjă , bhǎdhănna djhoerbhoe tjara sè èboe ' -dhaboe'. Saellana napa' ka kaseḍdhengnganna èsonnat, pas èsonnat tjara kapprana orèng Islam. Dhinèng kabaḍă'ănna ghăbăjjă sè njonnat ta' parlo èterrangngaghi, karana sakabbhiănna orèng sè matja boekoe rèja tanto paḍă tao ra-ngèra dhibi', sabab Ghoes Doella rèja pottra sè èman-kaèmanè sarta ètorot bi' rama-èbhoena, tanto rama-èbhoena sè ngardjăi abă’na èbhi kabbhiăghi, ngatonnaghi panganèserra.
Ekala' pandǎ'na tjarèta , Ghoes Doella la kalowar (totok) sè asakola, ladjhoe èmaso'aghi ka sakola'an pardjădji (Opleidingsschool). Saellana djărèja Ghoes Doella so'è bănnja' tèngkana, sabăb abă'na la ghandjhă . Abă'na ta' endă' ngangghoej sèdjoe-ladjoe, nè- samane matetèngèl, apangangghoej sè njar-anjar sarta sè ghoes -bhaghoes, opama : sampèr bhǎțèkan Solo sè satangkep ghăn ƒ 40 , kalambhi koko ' (djas ) tarikoe sè saèlo ghan f 6, arlodji ban kettengnga (rantajja ) padă dări emmas , akasot bản atonghet badhalăn băra . Ko -roho’anna tadi laèn kadjhǎbhăna manèla, sarta ta' tao tjèttjèr bi' mènnja' ro'om sè rang-larang kabellina . E rè-saarèna Ghoes Doella ghella' taḍă' laèn lakona nèng ghilǎ ka orèng băbinè' sarta ghila ka angghoej , sarat dhăddhi kembhängnga lorong. Amarghă dări bhab sè bărijă djărèja, Ghoes Doella ghella' nè-samanè dhăddhi rarasanan băn lit-dhoelitanna orèng, sarta dhăddhi tor-totoran ka sakabbhiănna parabăn , bălăndjhar bản randha , sè adjhoeroekkaghi abă'na ka djhălăn sè ta' patot. Anangèng bhab djărèja ta' ngorangè kabhădjhengnganna sè adjhăr pangadjhărănna, sarta abă'na goel-onggoelăn (nomer sèttong) dări sakabbhiänna tja-kantjana sè sakellas.
Saellana Ghoes Doella kalowar ḍări sakola'an pardjădji ghellă' , ladjhoe maghăng è sèttong kantor. E băkto djărèja abǎ'na ladjhoe abinè ana'na bhălăna sè dhăddhi pardjǎdji kèja. Prandhinèng radjina Ghoes Doella rèja tjè' raddhinna, satèmbhăng bi' abă'na, tjara sondhoek bi' lambhăngnga (pa' -lopa' bi' kodoengnga) , apa polè pènter sarta lekket pèkèrra.
Ta' saapa abiddhă Ghoes Doella sè maghăng ghella' la èang-
