que les visites qu'elle fét à domicile chà n' me rassure pos beauquéop.
Autremint dit, t'as peur que t’ feimme fasse ein amoureux.
Juste;... et j' crois qu'elle est assez dins l' mouv’mint pour chà.
Pour péo que j’ puisse juger t' feimme, i' m' semble que te t'alarme inutil'mint et j'oss’réos même t'assurer.
N' m'assure rien du tout; j' connéos mieux m’ feimme que ti, seul'mint i's séont tell'mint feinne à nous faire vir la lune, que j' vas t’ demander de m' rinle ein service.
Te n' doute pos que j' soiche pret à te l’ rinte.
Si j'in douléos, je n' te l' demandréos pos, v'là c' que ch'est,
i' s'agiréot
d’ tenter eine épreufe.
Eine épreufe! Dins queu genre.
I' faudréot savoir, si ein audacieux féséot des avanches à m' feimme, si elle accepteréot.
T'as là eine drôle d'idée pour ête fixer sur les sintiments de t' teimme et ch'est risquer gros jeux; i' pourréot in résulter eine situatiéon pénible pour quelqu'ein.
Pos pour mi.
Hum!... en n' sés pos, et puis i' n'a pos fauque ti in jeux, i' a
t' feimme,
l' mienne et i' a mi.
Véyéons, expliquéons-nous bin, pour mi je n' risque rien in f'sant tenter c't'épreufe, si m' feimme elle orfuse les propositiéons qu'on pourréot li faire, me v'là tranquile et fixé, si au contraire elle se laisse raconter fieurette j'in sréos prév’nu et je m’ tiendréos sur mes gartes.
