FERNAND (Preinant eine fuelle de papier su’ l' buréau)
Acoute. et te n'in dout'ras pus; (lisant) Monsieur le Directeur. Malgré toutes les bontés que vous avez eu pour moi: malgré l'avancement que vous ne manquiez jamés de me faire obtenir au fur et à mesure de mon mérite, je me vois forcé de vous prier d'accepter ma démission de premier commis dans vos bureaux; la profession que ma femme a voulu embrasser me force à prendre cette décision. En vous adressant tous mes remerciments avec le regret de vous quitter, je vous prie, Monsieur le Directeur, de me croire votre tout dévoué....
Ch'est pus qu’ rinversant et ch'est à n' pos y croire.
Ch'est tout c' que te voudras, més ch'est ainsin, j'ai Lout esséyé pour que m' feimme ernéonche à s' professiéon; à s’ vocatiéon; comme ele dit, j'n'y ai pos parvénu, j'ernéonche à l'mienne.
Sérieus'mint n' fét pos chà, pinse, réfléchis acore avant d'invéyer
t' démissiéon.
Ch'est tout pinsé, ch'est tout réfléchi;… et puis j'ai mes réséons.
Des réséons sérieuses?
Aoui et je m'sins l'besouan de m’ confier à ein ami.
Si te m' juche digne de ceulle confidence, j' suis pret à t'acouter et mème à t' donner ein consel si ch'est possible.
Inutile de printe des détours pou’ dissimuler més craintes, l' vrai motif de
m’ démissiéon ch'est pour mi pouvoir surveiller
m' feimme.
Commint, commint ! je n' te comprind pos.
Ch'est pourtant bin simple, m' feimme va s’ trouver in contacte
avec des héommes de toutes sortes et d’ tout, âches, et j' t'assure
