Voilà, voilà.
- (I'rinte côté gardin).
Me voala devant le temple du repos ;... si le lit il était bonne, je ferais une nuit exceptionnelle.
- (I' rinte au n° 6).
Te véos que m'n idée étéot béonne, leu’ faire servir l'café; et m' prétexte d'aller querre des cigares nous permettra d' mette not’ p'tit plan à exécutiéon.
Aoui, més i' n’ s’agit pos d’ perte not’ temps à d'viser inutil'mint, i' nous féaut aller du leste et n' pos nous faire attraper.
Fét comme mi, grimpe sans tapache (i's arrif'tent in héaut, r'waittiant les n°) N° 8, ch'est ceulle chi.
- (I's rintent).
I' fét noir comme dins in four.
J'avéos prévu l'quéop, j'ai pris eine bougie et j'ai d’s alleumettes.
- (I' craque eine alleumette et alleime s' bougie).
Eclaire ichi bin vite que j' mets cha conv'nablemint.
- (I' sorte ein p'tit paquet et l'sème dins l' lit).
N’ mets pos tout à l' même plache.
Laisses-me faire, quand i's s'séont dins leu' lit, i's aréont copie à pus d’eine plache in mème temps (i' r'met les couvertes in plache) et asteur filéons.
Et là, et là, t'as fini t' plan, més mi j' n'ai pos préparé l'mien.
