Et à quoi c’ que cha vous avanche.
Bé à m'enstuire sur les usaches et coutumes des éautes pays.
Vous ètes bin avanché avec chà.
J'suis d' l'avis d' ma tante et à m'n idée qu'ein bon verre bu à vo santé vous profil'réos puc’.
L'ein n'impêche pos l'éaute ;... à la vote.
- (I's trinqu'tent et béotent).
J'n'aime pos ces bières étrangères, et si j’ devéos m'y habituer, j'aréos bin du mal.
Mi je n' saréos pos m'y habituer du tout ;... elle sint l' camphre ceulle bière.
Vous l'avez révé cha, Nicolas.
(R'buvant) Més néon, je n’ rèfe pos: (à Octavie) l'nez, goutez m' verre.
Mi j' li troufe l’ même goût que l' mienne.
De l' bière ainsin merci (s'ertournant du côté du féond) garchéon.
Faites vir ma tante (Octavie qui avéot déposée l' verre de Buniol tout prés du sien, r'prind l'sién et l' déonne à Fernand).
Ceulle bière es béonne (passant l' verre à Gabrielle).
Ch'est ein goût qu' monéonque i’ a bin sûr (passant l' verre à Atbert) goûtez ein péo.
