Més l’ méd’cin, ch'est mi.
Vous;... vous voulez rire de mi, més je n’ suis pos si biète que j' n'in ai l'air.
Més quand j' vous l' dit, véyéons.
Ah!! cha canche la carte, et si j'aréos su chà je n' vous arréos pos déringé.
Vous ariez dû lire m' plaque su' l' porte avant d'intrer.
Je l'ai li ;... Gabrielle Dubar, consultatiéons de dix à douze heures ; chà n'indique pos,...
Et bé à m’ mote que sifet; Gabrielle l-e-le, ch'est bin au féminin c’ qui veut dire que ch’est eine feimme.
Ah, l-e-le cha veut dire que ch'est eine feimme ; j'orgrette de n’ pos connaite l' féminin et mo v’là dins eine situatiéon imbétante.
Pourquoi vous n'aimez pos les feimmes comme méd'cin ?
Cha n'me fét rien; d'autant pus que c’ que j'ai n'est pos ina- vouable, du moumint qu’ je n' déos pos vous les moutrer, j'ai les ziméréohuites et j' voudrés m' guérir.
Naturell'mint;... j' vas vous prescrire cine pomate que vous imploirez matin et soir et dins quinze jours si vous vous soignez réguliér'mint vous s'rez complétmint guéri; (elle écrit) i' à aussi eine tisaine que vous prindrez eine pinte par jour; tenez (elle li déonne el' recette).
Merci ; cobin c' que j' déos, madame ?
Mes visites séont gratistes; més l' sortie est par là (elle indique l' féond).
