GABRIELLE
Ch’ n’est pos eine réséon, et n'éyant fét vos preufes ni l’ein ni l'éaule, i’ m'est assez difficile de m' prononcer.
J'aréos cru qu'ch'étéot ein avantache.
Ch' n’est ni ein avantache ni ein désavantache ; més cha n'proufe rien.
J' croyéos qu’ vous ariez pu m' prescrire ein médicamint, ou bin ein trait'mint à suife.
Je n' véos rien bin efficace; més on peut toudis essayer eine séquoi, (écrivant) j' vas vous prescrire eine poudre que vous prindrez.
J'comprinds; à peu prés au moumint.…..
Néon, vous n'y êtes pos: vous preindrez chà par pétite prise dins vos boisséons et i' faudréot in faire printe à vo’n'héomme.
Soyez tranquille, i' d'ara putéôt double ratiéon.
Surtout preinnez vos précautiéons pour ne rien perte; quand on n'est pos riche i’ n'faut rien gaspillier.
J' n'oubli'rai pos vos r’eommandatiéons; dû c’ que vous m' conseillez d'aller querre l' médicamint.
Féaut que j' vous fasse préparer chà mi-même, l' pharmacien n’ vous l' donn’réot pos, si vous voulez l’ faire printe dins eine démi-heurette.
Si cha n’ vous dérinche pos, j” viendrai l' querre mi-même ;... cobin c'que j' vous déot.
Rien (li indiquant l' porte féand) sortez par là s'i'-vous-plet.
