Scène VII
GABRIELLE, OCTAVIE
In v'là toudis ein que j’ n’arais pos contre mi, au contraire i' m’a l'air bin intintionner.
Bonjour. madame.
Madame (li indiquant eine kéyaire), j' vous in prie.
J' viens vous d'mander ein avis sur ein cas, que j' n’aréos certain'mint pos osé consulter ein méd'cin, més à vous qui est du sexe, j' n'éproufe auqueine difficulté d’ vous consulter.
Ch'est ein pouant qui a été spécial'mint défindu dins les congrés d' méd'cine;... eine feimme dins certain cas ara pu d' confiance à eine feimme méd'cin, et par ceulle confiance elle trouv'ra pus facil'ment ein r'mète au mal.
Ch'est c’ que j'avéos pinsé et ch'est c’ qu'i' m' fét vous accorder m' préférince;... j' suis comme vous pouvez l' vir d'ein certain âche et su' l’ pouant de m' marier.
Ah! ch'est ein acte qui fét époque dins la vie d'une feimme.
Aussi j’ voudréos m' marier dins des conditiéons;... commint c'que j' diréos chà... dins des conbitiéons irréprochable à tout pouant d'vu;... j'ai ein p'tit magéot, celui que j mari n’est pos sans rien, et j' voudréos pour ces réséons n' pos rester sans héritier directe.
Cba m' paret assez difficile; vous avez queulle âche?
Chinquante-deux ans, m' futur i' d'a chinquante-quate et tous les deux célibataires.
