Pa'c’ que chà n' me fét ni fréod ni quéaud; v'là deux ans qu'i m' traite et je n’ véos pos d' cang'mint.
N' dites pos chà, monéonque;... avant vous étiez pris régulièr'mint tous les méos et asteur cha vous r'vient pus rar’mint.
Ch'est vrai, més quand chà m' prind, cha m’ dure des huit jours intiers, et ces souflrances-là, chà m’ vielli avant l'âche.
Vous n'avez pos à vous plainte, pour vos chinquante-chinq ans, vous êtes bin intier
Chinquante-quate s’i'-vous-plét;... més jvoudréos m' faire quitte de mes douleurs, pou’ n'in paraîte que quarante si ch'est possible.
Ch’ n’est pos qu’ vous cach'riez à vous rajeunir.
Et pourquoi pos; du reste téôt ou tard féaut tout d' méme que j'vous l’diche;.. j' suis décidé à m' marier.
Et bé, in v'là eine raite!...
Més pos tant qu' chà, et j' n’invinte pos eine nouvieauté.
Néon, bin sûr;... et pour mi vous pouvez faire à vot’ mote, j' n'ai pos d’ consel à vous donner là-d'sus.
J'aréos pét-ète dû in parler à Fernand; li qui étéot m' seul héritier;... més rien n’ dit qu'il y perd'ra, je n' mari pos eine pétite jeunesse et j' peux acore printe certains arring'mints.
Croyez bin, monéonque, que ch' n'est pos chà qui nous inquiète et j' vas vous in donner eine preufe, in vous souangniant au père des pouces ;... j'ai d'puis longtemps étudié sérieus'mint vot’ maladie et à m' mote que j’ vous ai trouvé ein r'mête.
