FERNAND (vexé)
Vous n'avez pos toudis dis chà.
In tous cas, si ch'est c' qui vous carmousse, vous pouvez dormir sur vos deux orelles.
Ch't' ein consel facile à donner, més j’ n'in f’rai qu'à m’ mote; et j'vous préviens que j' viens d'écrire m' démissiéon qu’ j'invoie au Directeur.
- (On séonne à l' porte des rues).
Vous faites bin, et vous gangn'rez autant à surveiller l’ménache; asteur donnez-me l' plache pour mi r’chevoir mes clients.
Vous pouvez les r'chevoir tout à vo’ n’aise, che n’ s'ra pos mi qui vous déring'ra.
Vous n'avez pos b'souan d’ sonner pou’ m’ permette d’intrer.
Excusez, monéonque; j'croyéos qu’ ch'étéot ein client.
Aujord'hui j' suis les deux.
Vous ètes malate ; assiez-vous; ... quoi s’ que vous avez?
J'ai qu’ mes tourniols m'orprinn'tent acore eine féos, et i' féaut absolumint qu’ vous intrepreinniez de m' souangner.
Pourquoi n’ pos continuer avé vol’ méd'cin habitué et suife s' trai’mint.
