FERNAND
Je n' dis pos que l' professiéon d’ méd'cin n'est pos respectable pour ein héomme; més pour eine feimme!...
J' voudréos bin savoir queulle différince que vous trouvez intre ein héomme et eine feimme méd'cin.
Vous n'allez pos m’ dire que dins certain cas, ch'est eine professiéon bin morale pour eine feimme.
Tand qu'à chà ch'est l' même pour ein héomme, c’ qui n'est pos morale pour l'ein n' l'est pos pour l'éaute.
Ch'est-à-dire qu’ein héomme n'est pos si suceptible qu'eine feimme.
Dins queu’ cas, s'i'-vous-plét.
Ténez sans vouloir printe l'extrême, vous traitez par l'oscultatiéon; supposéons qu'ein héomme vient s' plainte de douleur interne et d' crampe d'estomac.
Soit, supposéons cha.
Vous allez li dire déshabillez vous; ch'est-i' conv'nable.
I' a autant à printe qu'à rinte, et ch’ n'est pos pus modeste pour ein héomme de dire à eine feimme, défaites vot' fichu et vot’ corsache; quand i' n'in d'mante pos davantache; j'in sés eine séquoi, j'ai passé par là.
Infin, j' soutiens qu'i’ n'est pos si dang'reux pour ein héomme de vir eine feimme in d'mi déshabillier, que pour eine feimme;...
De vir ein héomme in manche de qu'mise;... j' vous véos bin tous les jours dins ein acoutremint pir que chà, et vous savez l'effet qu’ vous m' faites.
