7 Magña minamahal, magcamorootmoótan logod quitaquita man sana; huli ta an pagcamoot sa Dios iyan. An siysay man na namomoot, namundag iyan sa Dios, asin nacacamidbid sa Dios.
8 An day namomoot, day nacacamidbid sa Dios; hali ta an Dios iyo an pagcamoot.
9 Digdi caini ipinahayag an pagcamoot nin Dios mauognod sa satuya, na dian isinobol nin Dios si saiyang Aquíng bogtong sa quinában, tagñaning mabuhay quita huli sa saiya.
10 Digdi caini napapahayag ó nasasaysay an pagcamoot: bacó na quita namoot na gñóna sa Dios, condi na siya namootan quita, asin isinobol an saiyang Aquí sa pagpatauad can satuyang magña casálan.
11 Magña namomótan, con an Dios namootan quita nin siring, maninigó quita man na magcamorootmootan.
12 Day nin siysay man na nacahiling sagcod lamang sa Dios. Con nagcamorootmootan quitaquita man sana, an Dios uya sa satuyá, asin an saiyang pagcamoot bulaos ó haman digdi sa satuyá :
13 Digdi caini namimidbiran niato na yaon quita dian sa saiya, asin siya man sa satuyá, na dian caiyan itinao sa satuyá guican sa saiyang Espíritu.
14 Asin cami nahiling niamo asin pinapatotoohan niamo na an Amá isinobol an Aquí tagñaning maguing Paraligtas nin quinában.
15 An siysay man na magboboyboy na si Jesús iyo an Aquí nin Dios, an Dios yaon sa saiya, asin siya yaon man sa Dios.
16 Asin quita namidbid niato asin tinubod niato an pagcamoot nin Dios sa satuyá, an Dios iyo an pagcamoot: asin an nabubuhay sa pagcamoot, nabubuhay sa Dios, asin an Dios yaon sa saiyá.
17 Digdi caini bulaos ó haman an pagcamoot sa satuyá, tagnaning magcaigua quita nin capaniualáan sa aldao nin paghocom; cayá siring can pagcamugtac niya, siring man quita sa quinában na ini.
18 Dian sa pagcamot mayong catacutan; háros ta an bulaos na pagcamoot sinisicual sa luas an catacutan: huli ta an
