catacutan iguang silot. Cayá na an natatacot, bacong mahusay sa pagcamoot.
19 Quita namoot sa saiya, huli ta siya namótan na quitang enot gñóna.
20 Con an tibaad na magsasabi, Aco namomoot sa Dios, asin naooyam ó nababaldi sa tugang niya, puticon siya. Huli ta an day namomoot sa saiyang tugang na iyan nahiling niya, ¿paáno an pagcamoot sa Dios na iyan day niya naquita?
21 Asin quita igua can pagboot ó catogonan na ini niya: Na an namomoot sa Dios, mamoot man sa saiyang tugang.
1 Gabos ito na nagtutubod na si Jesús iyo an Cristo, namundag iyan sa Dios: asin an siysay man na namomoot sa nagpagñaquí, namomoot man sa ipinagñaqui niya.
2 Digdi caini namimidbid niamo na namomoot cami sa magña áquí nin Dios, con namomoot cami sa Dios, asin inootob niamo an saiyang magña togon.
3 Háros ta ini iyo an pagcamoot sa Dios na otobon niato an saiyang magña togon; asin an saiyang magña togon bacong magña mapauot.
4 Huli ta ito gabos na namundag ó ipinagñaquí sa Dios dinadaog an quinában: asin ini iyo an pacadaog na nacacadaog sa quinában, an satuyang pagtubod.
5 ¿Siysay an nacacadaog sa quinában, condí an nagtutubod na si Jesús iyo an Aquí nin Dios?
6 Ini iyo si Jesucristo, na diminatong sa tubig asin sa dugó: bacong sa tubig sana, condi sa tubig asin sa dugó. Asin an Espíritu iyo an nagtatao nin pagpatotoo: huli ta an Espíritu iyo an catotoohan.
7 Huli ta toló si nagtao nin pagpatotoo sa lagñit, an Amá, an Aquí asin an Espíritu Santo: asin ining tolong íní saró sana sinda.
8 Asin toló si nagtatao nin pagpatotoo sa dagá, au Espíritu, asin an tubig, patin an dugó: asin an tolong iní nagcacabaragay sa saró.
