22 Asin anoman na bagay na hahagaron niato, macacamtan niato iyan sa saiya, huli ta nagootob quita can saiyang magña togon, asin guiniguibo niato an magña bagay na anan na magña maogma sa atubang niya.
23 Asin ini iyo an saiyang pagboot: Na tumubod quita sa gñaran nin si saiyang Aquí na si Jesucristo, asin na magcamoroot-mootan man sana quita nin siring sa ipinagboot sa satuyá.
24 Asin an nagootob can saiyang magña togon, yaon dian sa saiya, asin siya dian man sa saiya. Asin digdi caini naaaraman niato na siya nagdadanay sa satuyá, huli can Espírita na itinao sa satuya.
1 Magña namomotan, day sucat camo magtubod sa gabos na espíritu, condi balóon nindo an magña espíritus con baga sa Dios: háros ta dacol an magña bacong totoong profetas na nagpanluas sa quinában.
2 Digdi caini midbiron nindo an Espíritu nin Dios: an gabos na espiritu na nagboboyboy na si Jesucristo diminatong ó napadigdi nasa laman iyan iyo an sa Dios.
3 Asin an gabos na espíritu na day nagboboyboy na si Jesucristo napadigdi na sa laman, bacong sa Dios iyan: asin iyan iyo an espíritu nin si anticristo, na sa saiya camo nagñagpacadagñog na madatong, asin na gñunian yaon na ó domintong na sa quinában.
4 Magña sadagfoton na aquí, camo anan na magña sa Dios, asin dinaog nindo sinda; huli ta an yaon dian sa saindo, daculá pang gayo can yaon dian sa quinában.
5 Sinda anan na magña sa quinában; cayá nagtataram dapit can quinában asin an quinában hinihimaté sinda.
6 Cami anan na sadiri nin Dios: an nacacamidbid sa Dios, naghihinaniog sa samuyá: itong bacong sa Dios, day naghihinaniog sa samuyá. Nin huli caini namimidbid niamo an espíritu nin catotoohan asin an espíritu nin pagcásala ó paglagalag.
