11 Háros ta ini iyo si togon na nadagñog nindo magpoon sa capinónan na magcamoroot mootan quítaquita man sana.
12 Bacong siring qui Cain, na sadiri nin si maligno, asin guinadan si saiyang tugang. Asin sa anong dahelan ta guinadan ito niya? Huli ta si saiyang magña guinibo anan na magña mararaot, asin si magña sa tugang niya anan na magña matanos.
13 Magña tugang co, day camo mag-gñalas con an quinában nabaldi sa saindo.
14 Quita nacacaaram na nacaagui na quita sa pagcagadan pasiring sa pagcabuhay, na dian niato namomótan an magña catugagñan. Itong day namomoot sa saiyang tugang, nasa sa cagadanan siya.
15 An siysay man na nababaldi sa saiyang tugang, iyo an paragadan sa cápua tauo; asin nacacaaram camo na day nin siysay man na parapangadan nin cápua tauo na igua siya nin buhay na daing catapusan na macacapagdanay sa saiya man sana.
16 Digdi caini namidbid niato an pagcamoot, huli ta siya ibinugtac si saiyang buhay huli sa satuyá: quita man maninigong ibugtac man niato an satuyang magña buhay huli sa magña catugagñan.
17 Alagad an magcaigua nin rogaring ó cayamanan sa quinában na ini, asin mahiling na an saiyang tugang igua nin caipuhan, asin pintoon sa saiya an saiyang pagcaugay, ¿ano an camugtacan can pagcamoot nin Dios sa saiya?
18 Magña sadagñoton cong magña áquí, day quita mamoot sa tataramon minsan sa dilâ sana, condi sa guibo asin sa catotoohan.
19 Asin digdi mamimidbid niato na anan quita na sa catotoohan, asin macacapagpatotoo quita can satuyang magña pusó sa atubagñan niya.
20 Huli ta con an satuyang pusó sasaguéon quita, orog pang gayo an Dios Bа satuyang pusó, asin namimidbid an gabos na magña bagay.
21 Magña minamahal, con an satuyang pusó day quita tinutuyao, igua quitang panarig sa Dios;
