29 Con nacacaaram camo na siya matanos, macaaram man camo na an siysay man na nagguiguibo nin catanosan, guiminican sa saiya.
1 Horophoropa nindo con ano an pagcamoot na itinao sa satuya nin Amá, na paggñaranan quitang magña aquí nin Dios: huli caiyan an quinában day quita namimidbid, huli ta day siya minímidbid.
2 Magña labing namomótan, gñunian magña aquí quita nin Dios, asin day pa pinapahayag an masasagcoran niato: alagad naaaraman niato na con domatong na siya, macacabaing quitasa saiya, huli ta mahihiling niato siring sa camugtacan niya.
3 Asin an siysay man na igua can paglaom na ini sa saiya, naglilinig, nin siring man sa saiya na malinig.
4 An siysay man na nagguiguibo nin casálan, linalapas man an ley ó pagboot; cayá an casálan calapasan iyan sa pagboot.
5 Asin nacacaaram camo na siya diminatong sa pagpará can magña casalan niato, asin mayó nin casálan sa saiya.
6 An síysay man na nagdadanay dian sa saiya, day nagcacasalá; an siysay man na nagcacasálá, day nacaquita sa saiya, day man nacamidbid sa saiya.
7 Magña sadagñoton na áquí, day nangayod camo pagdayáan nin siysay man: an nagguiguibo nin catanosan, matanos iyan, siring man sa saiya na matanos.
8 An nagguiguibo nin casalan, iyan sadiri nin diablo; huli ta an diablo nagcacasalá magpoon can capinónan. Manogñod caiyan timinugña an Aquí nin Dios, sa paglaglag can magña guibo nin si diablo.
9 An siysay man na namundag sa Dios, day nagguiguibo nin casalan, huli ta si saiyang guinicanan yaón dian sa saiya; asin day macacapagcasalá, huli ta namundag sa Dios.
10 Digdi caini anan na nahahayag an magña aquí nin Dios, asin an magña áquí nin diablo: an siysay man na day minaguibo nin catanosan, asin na day namomoot sa saiyang tugang, bacó siyang sa Dios.
