15 Na pinanbayaan si dalan na matanos, asin nağcaralagalag, na quinuyog si dalan ni Balaam, áqui ni Bosor, na siya narhótan si balos nin carátan.
16 Asin sinagüé siya can saiyan catampalasanan: sarong púlang hayupan na lunadan, na nagtataram sa tigñog na sa tauo, pinogolan an carugñauan nin profeta.
17 Ining magña ini iyo an magña burabod na mayó nin tubig, asin magña pagñanoron na pinadpad nin si ariporos nin doros: na manogñod sa sainda naririmpos an cadicloman nin magña dampog sagcod lamang.
18 Huli ta sa pagtataram nín magña paabhao na tataramon nin pagcasalá, linalagalag can magña maraot na horot nin hauac sa pagcasuruhay si magña sa catotoohan nagpandulagna sa magña naquiquiolay sa pagcásalá;
19 Na tinutugaan sinda nin sadiring capangyariban ó libertad, huli ta sinda man sana iyo si magña oripon nin pagcatunao ó carátan. Háros ta itong nadadaog ó dinaog nin saró, nasasacop siya sa caoripnan nin si nacadaog sa saiya.
20 Totoo nangayod, na con pacapagsuhay ninda sa magña pagorolaquit nin quinában, huli sa pacamidbid sa Cagurang asin Paraligtas na si Jesucristo, asin sa liuat mapiripitan na naman dian caiyan na magña iyan, anan na magña daog, si saindang magña masasagcoran nagui sa saindang orog caraot qui sa magña capínonan ó pagpoón.
21 Háros ta orog carahay cutána sa sainda na day nacamidbid can dalan nin catanosan, na si pagpacamid bid ninda caiyan, magbaralic sa hudian nin santong catogonan ó pagboot na itinao sa sainda.
22 Alagad nangyari sa sainda si sa totoong paocoran ó halimbauá. Si ayam dínílá liuat si saiyang súca, asin si dúlag na orig pacaparigosi liminábog sa lâmao ó duguî.
1 Magña minamahal, aco minasurat gñunian sa saindo caining icaduang surat, na huli caiyan duang iyan pinupucao co sa paghatol an saindong mabining paghonáhoná;
