Sodoma asin sa Gomorra, na ibinalic iyan sa abó, asin na ibinugtac sinda na maguing paghihilgñan nin si magña mabubuhay na day mayó nin catacutan asin cagalagñan sa Dios;
7 Asin ilinigtas an banal na si Lot, na napupurisao can marompot na pagcabuhay ó gaüé-gaüé nin si magña paracasalá;
8 (Huli ta ining banal na ini, sa paghiling asin paghihinaniog nin si duduman pa sa sainda nagoontoc, nagmomondó aroaldao si saiyang calag huli can magña guibo caitong magña biricó ó paracasalá;)
9 Tataó an Caguranguan na maglicay sa sugot sa magña banal, asin maglaen sa magña paracasalá tagñaning pasaquitan sa aldao nin paghocom;
10 Asin orog pang gayo caito na, sa pagsonod can laman, naglalacao sa magña caoragan asin carompotan, asin pinahahamacan ó isinisicual an capangyarihan; magña pangñahasan, magña masumbical, na day nagcacataracot na magtaram nin maraot sa magña haralangcao na capangyarihan:
11 Háros ta sí magña ángeles man sana, na magña orog ca daculá sa cosog asin sa cabagsican, day nagtataram nin paghocom sa pagpacaraot tumang sa sainda sa atubang nin Cagurangnan.
12 Alagad ining magña ini, na nagtataram nin maraot dapit can magña bagay na day nasasabotan, siring sa magña hayupan na day nin isip, na sa pagcabuhay anan na linalang na mani cot-cot asin pagcalaglag, magcacagaradan sinda sa saindang pagcalagalag,
13 Na maacó can balos nin si saindang cabicóan, huli ta ibinibilang na caragñahan si pagoogma sa casigñauan aroaldao. Ining magña ini iyo an magña ramog asin digtá, na sinda con nagcacacan sa caibahan nindo, nagliligña sa saindang magña pagcásalá;
14 Na an magña matá panó nin pagsambay sa igua nin agom, asin day magña tataong omontoc nin pagcasalá; na pinagagamot ninda an magña calag na day nin pagdanay ó pacatagal na pinatood si pusó sa magña pagcaárá, huli ta magña áqui nin maldición;
