19 Igua man cami can tinódan na tataramon na orog pang magdadanay, na dian caiyan marhay an guiniguibo nindo na naghihinaniog camo siring sa sarong caraba ó ilauan na nacacaliuanag sa lugar ó camugtacan na madiclom sagcod na an ága lomiuanag ó an caaldauon lomiuanag, asin an bitóon sa macaága lumuas sa saindong magña pusó:
20 Alagad pacasaboton gñóna ini, na day nin saró man na profesia sa Casuratan na sa saró sanang cahologan;
21 Huli ta an profesia day dinará can magña nacaagui nang magña panahon huli sa cabótan nin tauo, condí si magña tauong banal nin Dios iyo si nagtararam alagad magña pinasabgñan nin Espíritu Santo.
1 Alagad igua man nin magña bacong tunay ó magña puticon na magña profetas sa banuáan, siring dian sa saindo na magcacaigua man nin magña puticon na magña madonong ó paratocdú, na maglalaog sa líhím ó tágo sana nin magña anito sa pagcasala asin pagpapaindahan an Cagurangnan na nagbalucat sa sainda, na binobotong sa sainda man sana an pagcalagalag na madalé.
2 Asin dacol an magdadagos sa saindang pagcasuruhay, na huli sa sainda an dalan nin catotooban paglalanghadan;
3 Asin sa caimotan guibohon camong binacalan sa magña tataramon na pagsaguin-saguin; na sa sainda an sainda silot day na mahahaloy na panahon asin an saindang pagcalagalag day natotorog.
4 Haros tá con an Dios day pinatauad si magña ángeles na nagñagcasalá, condi na pacahologan sa infierno na iguang magña cadena ó gacod sa cadicloman, itinao sinda tagñaning maandam ó malaen manogñod sa paghocom;
5 Asin con day pinatanad an daan na quinában, alagad ilinicay si Noé, na paraharubay nin catanosan, sagcod can ibang pito catauo, na pinapangyari si bahá nin oran sa ibabao can quinában nin magña mararaot ó paracasalá;
6 Asín con sinilotan na tinunao si magña ciudades sa
