8 Háros ta con dian sa saindo igua can magña bagay na ini, asin dacol nangayod, day camo totogotan na maghorogac, day man camo maguing mamara ó malipot sa pacamidbid sa Cagurangnan niatong Jesucristo.
9 Alagad itong day mayó can magña bagay na ini, iyan butâ, asin igua nin pacaquita na halipoton ó hayocong, na nacaligñao na can paghugas nin si magña daan niang magña casalan.
10 Nin huli caiyan, magña tugang, higñoahon nindo nin orog pang maguing danay an saindong palad asin pagcapilia; huli ta con guibohon nindo an magña bagay na ini, day camo sagcod lamang mahoholog.
11 Háros ta sa bagay na ini itotogot sa saindo nin labílali an pacalaog sa cahadéan na daing tapus nin Cagurangnan tang Jesucristo na Paraligtas.
12 Huli caiyan, aco day magoontoc sa paghatol sa saindo sa guiraray dapit can magña bagay na ini, minsan camo nacacatalastas caiyan, asin na pinacarigon camo sa catotoohan na ini.
13 Huli ta ibinibilang cong matanos con aco uya pa sa tabernaculong ini, an pagsadol sa saindo sa paghatol:
14 Sa pacatalastas na madalé na babayaan co an sacuyang tabernáculo siring sa ipinahayag sa sacuyá nin Cagurangnan niatong si Jesucristo.
15 Hihigñoahon co man nin macuri na pacatapus can pagcagadan co, camo magpacaguiromdom guiraray can magña bagay na ini.
16 Háros ta day niamo ipinamidbid sa saindo an cabagsican asin an pagdatong nin Cagurangnan niatong Jesucristo, na pinaagui sa magña togdas na osipon na hinaman sana nin pagpaagui; condi siring sa nahiling can samuyang magña rogaring na magña matá si saiyang cadaculaón na capangyarihan.
17 Huli ta siya ominacô sa Dios Amá nin camahalan asin camurauayan, nin si itong siring na tigñog ipinadará sa saiya guican sa mabansayon na camurauayan: Ini iyo an namomôtan cong Aquí, na dian sa saiya naoogma aco.
18 Asin cami nadagñog niamo an tigñog na ini na guican sa lagñit, nin si duduman pa cami sa caibahan niya duman sa buquid na santo.
