AN ICADUANG SURAT SA CAGABSAN
NIN
APÓSTOL
SAN PEDRO.
CAPITULO I.
1 Si Simón Pedro, oripon asin apóstol ni Jesucristo sa saindo na magña nagpacaabot nin pagtubod na siring man sana camahalaga sa caibahan niamo dian sa catanosan nin satuyang Dios asin Paraligtas na Jesucristo:
2.An biyaya asin an catoninogñan pacadacolon logod sa saindo sa pacamidbid sa Dios, asin sa Cagurangnan niatong si Jesús.
3 Huli ta an gabos na magña bagay na manonogñod sa pagcabuhay asin sa cabanalan itinao sa satuya sa saiyang diosnon na cabagsican, huli sa pacamidbid caito na nagapod sa satuyá huli can saiyang camurauayan asin cabagsican:
4 Na dahel can magña iyan itinao sa satuyá an magña đaraculá asin mahalagang magña panugá, tagnaning huli caiyan magui camong magña maquinabang can lauog nin pagcadios, paca pagdolag sa pagcasala na yaon sa quinában huli sa pagmauot nin hauac.
5 Camo man, con ibugtac an gabos na paghignoa huli caiyan man sana, magpahayag camo sa saindong pagtubod nin cabanalan asin sa cabanalan, nin pagcaisip;
6 Asin dian sa pagcaisip camayocodan, asin sa pagcamayocod pacatios, patin sa pacatios an pagcatacot sa Dios;
7 Asin sa pagcatacot sa Dios, an pagcamoot na sa tugang, asin sa tugang na pagcamoot an pagcaherac.
