5 Siring man sana, magña barobatá, magñagsonod camo sa magña magugurang; asin an gabos magpasoronodsonodan an magña iba sa magña capua man sana, magñaggubing liuat camo nin capacumbabáan; huli ta an Dios tinutamang an magña mapaabaoabao, asin tinatauan nin biyayá an magña mapacumbabá.
6 Magpacumbabá nangayod camo sa irarom can mapangyaring camot nin Dios, tagñaning siya palangcauon ó paitaason camo con sa capanahonana;
7 Na ibugtac an gabos nindong paghigñoa dian sa saiya, háros ta siya igua nin paghigñat sa saindo.
8 Magpacamayocod camo, asin mágpuca camo: huli ta an saindong caiual an diablo, siring sa león na mabagñis, naglalacao sa parilibot ta naghahanap nin mahahalon ó masisiba niya:
9 Na sa saiya tumumang camo nin marigon dian sa pagtubod, na natalastas nindo na an magña pagtios man sanang iyan magcacaorotob dian sa caibahan nin saindong magña tugang na yaón sa quinában.
10 Alagad an Dios nin bilog na biyaya, na nagapod sa satuyá sa saiyang camurauayan na daing casagcoran huli qui Jesucristo, gñapit na con macapagtíos camo nin cadiquit na panahon, siya man sana pacahamanon camo logod, parigonon, pasarigon asin pamugtacon.
11 Sa saiya mapanogñod an camurauayan asin an capangyarihan sagcod lamang. Auot pa.
12 Sa qui Silvano, na tugang na maimbod, siring sa paghonáhoná co sinuratan co camo nin madalé ó halipot sana, sa paghatol sa saindo asin sa pagpatotoo na ini iyo an totoong biyaya nin Dios, na dian namumugtac camo.
13 An Iglesia na nasa Babilonia, na sa caibahan pinili man sagcod saindo, minataong galang sa saindo, patin si Marcos na áquí co.
14 Magpagaralanggalang camo camo man sana sa paghadoc na sa pagcahérac. An catoninogñan macamtan nindo gabos na magña yaon dian qui Jesucristo. Auot pa.
