14 Con pinagologolog camo sa gñaran ni Cristo, magña mapalad camo; háros ta an camurauayan asin an espíritu nin Dios nagoontoc dian sa saindo. Sa catotoohan, sabi ninda, siya pinaglanghadan, alagad, sabi man nindo pinamurauay.
15 Cayá gñani na, siysay man sa saindo day logod magtios nin siring sa nacagadan nin tauo, ó mahabón, ó paraguibo nin maraot, ó huli sa paglaog ó paquiglabot niya sa magña bacong rogaring na magña bagay.
16 Alagad con nagtitios an saró siring sa siya Cristiano, day caiyan masopog; condi magpamurauay sa Dios sa bagay na ini.
17 Huli ta iyo an panahon na an paghocom magpoon sa harong nin Dios: asin con sa enot magpopoon sa satuyá, ¿ano dao an masasagcoran caitong magña day nagcucuyog sa evangelio nin Dios?
18 Asin con an banal mapauot na macaligtas, ¿sain matugña an day nin pagtubod asin paracasalá?
19 Asin huli caiyan si magña nagmomondó siring sa cabótan nin Dios, ipaquimaherac sa saiya an saindang magña calag, siring sa maimbod na Caglalang, na guibohon an marhay.
1 Naquiquimaherac aco sa magña magugurang na yaón dian sa saindo, aco gurang na man sa caibahan ninda, asin sacsí can magña casaquitan ni Cristo, na aco man maquiquinabang can camurauayan na ipagpapahayag:
2 Pabasogon nindo an aripompon nin Dios na yaón sa saindo,. na paghigñatan iyan, bacong huli sa cosog, ó sa pirit, condi sa cabotan sanang rogaring; bacong sa paquinabang na masinaua, condi sa sarong madaleng pagisip;
3 Asin bacong siring sa igua nin carogarigñan manogñod can magña sadírí nin Cagurangnan, condi maguing pagaarogan nin si aripompon ó campon.
4 Asin con tumugñana an Poón ó Príncipe nin si magña parapagñataman ó pastores, camo magcacamit can corona na day matutunao panong camurauay.
