2 Tagñaning macaguirondom camo can magña tataramon na caidto ipinagsarabi nin si magña santos ó banal na magña profetas, asin can samuyang togon, na camí anan na magña apóstoles nin Cagurangnan asin Paraligtas:
3 Na maaraman gñónang enot ini, na sa magña huring aldao madatong an magña mapagologolog, na maglalacao siring sa saindang sadiring mauot nin hauac ó carigsocan,
4 Asin na magsasabi: ¿Haen an panugá nin si saiyang pagdatong? háros ta magpoon can aldao na si magña cagánác nagpagñatorog, si gabos na magña bagay nagdadanay nin siring sa baga man sana can pagpoon nin si paglalang.
5 Sa catotoohan sinda nagpapainda sa rogaring na boot, na an calagñitan nangyari can enot na panahon, asin si dagá na huli sa tubig asin dian sa tubig naglálatao, huli sa tataramon nin Dios;
6 Nin huli caiyan an quinában con siring natunao na liminobog ó linantopan can tubig:
7 Alagad an calagñitan na uya gñunían, asin an dagá, anan na pinapagdanay huli can tataramon na iyan man sana, magña inaandam manogñod sa calayo duman sa aldao nin paghocom, asin sa aldao nin pagcalagalag nin magña tauong tampalasan.
8 Alagad, oh magña namomótan, day logod camo magpainda caining sarong bagay na an sarong aldao sa atubagñan nin Cagurangnan bilang baga sa sangribong magña taón asin an sangribong taon siring sa sarong aldao.
9 An Cagurangnan day inaabala ó inahaloy an saiyang panugá, na siring can magña nagcacapira na ibinibilang iyan sa cahaluyan; condi na matiníos manogñod sa satuyá, na habó siya na an siysayman magadan ó malamos, condi na an gabos magguiribo nin pagsolsol.
10 Alagad an aldao nin Cagurangnan madatong siring sa sarong mahábon sa bangui; na dian caiyan an magña calagñitan magaagui nin daculaon na conogconog, asin si magña elementos ó mágña casangcapan caibahan na maglalaad magcacaralaglag, asin an dagá patin si magña guinibohan na yaon dían namumugtac magcacasoroló.
