pagboot, na day mayó nin pacasabot minsan si itong pinagtataram minsan itong pinapatotoohan, ó tinutubod.
8 Alagad natatalastas niato na an ley marhay, con an saró gamiton niya iyan sa catanosan;
9 Na natatalastas ó namimidbid ini, na an ley bacong ibinugtac manogñod sa magña banal ó matanos, condi manogñod sa magña paracasalá ó bacong magña matanos asin sa magña masubay, manognod sa magña daing boot asin magña paracasalá, manogñod sa magña mararaot asin magña hamac, manogñod sa magña parapangadan sa magña ama asin sa magña iná, manogñod sa magña parapangadan sa magcasi tauo,
10 Manoguod sa magña parapanambay, sa magña sodomitas ó taga Sodoma, manogñod sa magña mahahábon nin magña tauo, manogñod sa magña puticon asin magña nagñagsusumpá nin putic, asin con igua nin tibaad nang ibang bagay na tumang sa matanos na doctrina ó pagtotocdó;
11 Siring sa nasasabi sa evangelio dapit cau camurauayan nin mahal na Dios, na iyan ipinaniualá sa sacuyá.
12 Asin nagpapasalamat aco sa nagpacarígon sa sacuyá, sa qui Cristo Jesús, na Cagurangnan niato, na ibinilang aco sa maimbod, na ibinugtac aco sa catongdan:
13 Na naguing casopganan caidto asin para pasaquit ó paralamag asin paralanghad: alagad inacó aco sa pagcaherac, háros ta iyan naguinibo co sa day pacatalastas dian sa day pagtubod.
14 Alagad an biyaya nin Cagurangnan nagui pang dacol sagcod can pagtubod asin pagcamoot na yaon dian qui Cristo Jesús.
15 Tataramon na daing liban asin maninigó na acóon nin gabos: na si Cristo Jesús napadigdí sa quinában sa pagligtas sa magña paracasalá, na sa sainda aco an enot.
16 Alagad huli caiyan inacó aco sa pagcaherac, tagñaning si Jesucristo macapahayag sa sacuyá can gabos niang pagcaugay enot sa gabos, gñaning maguing padara sa magña magtutubod sa saiya manogñod sa buhay na daing catapusan.
17 Cayá, sa Hadé nin magña panahon, na day nin cagadanan, day naquiquita, sa iyo sanang madonong na Dios mapasaiya
