AN ENOT NA SURAT
NIN
APÓSTOL SAN PABLO
QUI
TIMOTEO.
CAPITULO I.
1 Si Pablo, na apóstol ni Jesucristo huli sa cabótan nin Dios na satuyang Paraligtas, asin nin Cagurangnan tang Jesucristo, na satuyang linalaoman;
2 Sa qui Timoteo, na totoong áquí dian sa pagtubod: An biyaya, pagcaherac asin an catoninogñan nin Dios na satuyang Ama, asin ni Cristo Jesús na Cagurangnan niato.
3 Siring sa paquimaherac co sa saymo na pomaualat ca sa Efeso, nin si aco lominacao pasiring sa Macedonia, tagñaning páguiromdomon mo an magña nagcacápira na day magñagtoccó nin laen na pagtocdó ó doctrina,
4 Day man maghinaniog sa magña osipon na day nin halaga asin sa magña pag-uuguid can guinicanan na mayó nin hangan, na nacacahimo nin magña cariribocan bágo an carahayan na manogñod sa Dios na iyo an huli sa pagtubod; siring caini an itinotogon co saymo gñunian.
5 An catuyuhan nangayod nin catogonan ó pagboot iyo an pagcaherac na guican sa malinig na pusó, asin sa marhay na paghonáhoná, patin sa pagtubod na bacong sa malémalé :
6 Na sa dapit caiyan nin si naliligñá si magña nagcacápira, nagpanharayó sa magña basang sanang paghulit;
7 Na boot sindang maguing magña madodonong sa ley ó
