an caomauan asin camurauayan sa gabos na magña panahon nin magña panahon. Auot pa.
18 An pagboot ó togon na ini, áquing Timoteo, itinogon co sa saymo, tagñaning, siring sa maninigó sa magña panhulang inaguiban mo, maglingcod ca huli caiyan sa marhay na paglingcod;
19 Na papagdanayon an pagtubod asin an marhay na paghonáhoná, na iyan can itinapoc sa boot ninda nin si magña nagcacápira, naguinibo an pagcalonod dian sa pagtubod:
20 Na sa sainda iyo si Himeneo asin si Alejandro, na sinda itinao co sa qui Satanás, tagñaning magpacanood na day maglanghad.
1 Hinahatol co nangayod, sa enot can gabos na magña bagay, na guibohon an magna paquimaherac, magña pamíbi, magna paghagad, magña pagguibo nin pagpasalamat ó pagguibo nin magña biyaya, huli sa gabos na magña tauo;
2 Huli sa magña badé asin huli sa gabos na nasa cahalangcauan, tagñaning mabuhay quita nin matiuasay asin sa capahigñalóan sa gabos na cabanalan asin cabinían.
3 Háros ta ini iyo an macacaogma asin marhay sa atubang nin Dios na satuyang Paraligtas ;
4 Na siya boot na an gabos na magña tauo magpacaligtas asin na maghumari sa pacamidbid can catotoohan.
5 Huli ta igua nin sarong Dios, siring man sana iguang sarong parasorog sa tagñá nin Dios asin nin magña tauo, si Jesucristo na naguing tauo;
6 Na siya diminolot sa saiya man sana na bilang halaga can pagbalucat sa cagabsan, na maguing pagpatotoo sa saiyang magña capanahonan:
7 Na dapit caiyan aco ibinugtac na maghuhulit asin apóstol, (nagsasabi aco nin catotoohan dian qui Cristo, day aco nagpuputic) paratocdong madonong nin magña Gentiles dian sa pagotob asin sa catotoohan.
8 Boot co nangayod, na an magna tauo magpamíbi sa gabos na lugar ó camugtacan, na ipagitáas an magña camot anan na
