7 Malá gñani ta nagui camong padara nin gabos na nagñagtubod sa Macedonia asin sa Acaya.
8 Huli ta sa saindo nacabalagñibog an tataramon nin Cagurangnan bacó sanang sa Macedonia asin sa Acaya, condi̟ pasa gabos na camugtacan ó lugar si saindong pagtubod sa Dios nacalacop; malá ta day na caming caipuhan na magtaram pa nin anoman.
9 Huli ta sinda nagbabaretá dapit sa samuyá con ano si pacalaog niamo sa saindo; asin con páano si pacapagbaclé nindo halé sa magña anito pasiring sa Dios, sa paglingcod sa Dios na nabubuhay asin totoo.
10 Asin maghalat sa saiyang Aquí sa Calagñitan, na siya binuhay liuat sa magña gadana; sa qui Jesús, na siya ilinigtas quita sa caangotan na madatong.
1 Háros ta, magña tugang, camo man sana nacacaaram na si samuyang paglaog ó pagpoon sa saindo day napamasang sana:
2 Háros ta minsan nagtios ó nagsaquit caidto asin pinagdhaguí duman sa Filipos, siring sa naaaraman nindo, nagcaigua cami nin carigonan dian sa satuyang Dios sa paca pagbaretá sa saindo can Evangelio nin Dios sa daculaon na paquiglaban.
3 Huli ta si samuyang pagaloc bacong sa pagcásalá ó calibogñan, ni sa carupitan ni huli sa pagdaya;
4 Condi siring sa pagcapapagcánigoa sa samuyá nin Dios tagñaning icapaniualá sa samó an evangelio, siring si samuyang pagtaram; bacong siring can magña nagpapasonó sa magña tauo, condi sa Dios, na siya binábaló an satuyang magña pusó.
5 Háros ta day sagcod cami naguing magña mapagdaloy ó parapaárá sa tataramon, siring sa naaaraman nindo, ni nadadara nin pagcaimot; an Dios iyo an sacsi;
6 Ni naghahanap cami sa magña tauo nin camurauayan, ni sa saindo, ni sa magña iba, minsan maguigui caming cagabatan sa saindo siring sa magña apóstoles ni Cristo.
7 Condí gñani naguí caming magña malomoy dian sa saindo siring sa nagpapasoso, na nagdodolot sa saiyang magña áquí:
