8 Macuri ca magña mamomóton sa saindo, na boot gñan iniamo pang itao sa saindo bacong an evangelio nin Dios sana, condi pa an samuyang rogaring na magña calag; háros ta nagui camo sa samuyá na magña mahalaga ó minamahal.
9 Háros ta, magña tugang, nagpapacaguiromdom na camo can samuyang capagalan asin paghigñahigña: na nagguiguibo sa aldao asin sa bangui huli sa day pacagabat sa caysay paman sa saindo, naghuhulit cami sa saindo can evangelio nin Dios.
10 Camo anan na magña sacsi, asin an Dios, dapit sa guráno ca ó dapit can labing pagca santo, matanos asin dai ngcasaguéan na pagpadára niamo sa saindo na nagñagturubod camo:
11 Siring man nacacaaram camo con sa anong paágui nag-aaloc cami asin nagraragña cami sa lambang saró sa saindo siring can Amá sa saiyang magña aquí.
12 Asin sinasadol niamo camo na magñaglacao camo siring sa magcacanigó sa Dios, na nagapod sa saindo sa saiyang cahadéan asin camurauayan.
13 Nin huli caiyan, cami man nagpapasalamat sa Dios day mayó nin pagyotong, dapit sa, huli ta pacacanti niamo can tataramon nin Dios na nagcadaragñog nindo sa samuyá, inacó nindo bacong an tataramon nin magña tauo, condí siring sa catotoohan nangayod, si tataramon nin Dios, na siya nacacaguinibo dian sa saindo camo si magña nagñagtubod.
14 Háros ta camo, magña tugang, nagui camong magña paraarog sa magña Iglesia nin Dios dian qui Cristo Jesús na yaon sa Judea; háros ta nagñagtirios man camo can magña bagay man sana caitong magña taga dian sa saindong rogaring na banuáan ó natubuan, siring man sinda sa magña Judios;
15 Na iyan magña iyan guinaradan pa si Jesús na Cagurangnan asin si saindang tunay na magña profetas, asin cami pinagñagpasaquítan; asin day nagpapasonó sa Dios, asin minasuhay sinda sa gabos na magña tauo;
16 Pinagñagñaladan cami na inagtaram sa magña Gentiles, tagnaning magpacaligtas, sa pagpatobó can socol nin si saindang magña casálan guiraray; cayá dominatong sa ibabao ninda si caangotan sagcod sa cacurihan..
