AN ENOT NA SURAT
NIN
APÓSTOL SAN PABLO
SA MAGNA
TESALONICENSES.
CAPITULO I.
1 Si Pablo, asin si Silvano, patin si Timoteo, sa Iglesia ó casaróan nin magña Cristianos Tesalonicenses na yaon sa Dios Amá asin sa Cagulangnan na si Jesucristo: An biyaya asin an catoninogian nin Dios na satuyang Amá asin nin Cagurangnan na Jesucristo macamtan loged nindo.
2 Nagpapasalamat guiraray cami sa Dios huli sa saindo gabos, na nagguiguirondom cami sa saindo sa samuyang magña pagpamibí;
3 Day mayó nin pagyotong na nagguirondom cami sa atubang nin Dios asin Amá niato can pagguibo nin saindong pagtubod, asin can capagalan sa pagcamoot, asin can pagtíos can paglaom sa Cagurangnan tang Jesucristo:
4 Na nacacaaram, magña tugang, ná namomótan nin Dios, can pagcapili sa saindo:
5 Huli ta si samuyang evangelio sa saíndo day sa pagtataram sana, condi man na sa cabagsican asin sa Espíritu Santo, asin sa daculaon na capangyarihan; siring sa naaaraman nindo con magña ano cami dian sa saindo huli sa pagcamoot sa saindo.
6 Asin camo naguing magña paraarog sa samuyá, asin sa Cagurangnan, na nagaacó can tataramon sa, dacolon na casaquitan, sa caogmahan nin Espíritu Santo:
