nin Dios, magña banal asin namonótan, nin malodoc na pagcaherac, nin cabootan, nin capacumbabáan, nin cahoyoan, nin pacatios;
13 Na magpatiriostiosan camo-camo man sana, asin magpatinauadtauadan camo-camo man sana con baga an saró magcaigua nin nasasalan sa saró: na siring baga can bagay na si Cristo pinatauad camo, siring man guibohon nindo iyan.
14 Asin sa ibabao can gabos na magña bagay na ini magñaggubing camo nin pagcaherac, na iyan iyo an gapos nin cahusayan ó pagcasangcap.
15 Asin an catoninogñan nin Dios maghadé sa saindong magña pusó, na dian caiyan siring man sana anan camong inarapod sa sarong hauac; asin sucat na magbalos camo.
16 An tataramon ni Cristo omontoc sa saindo sa macuri ca dacol sa bilog na cadonogñan, na magpatorotorocdó camo asin magpasaradolsadol camo-camo man sana nin magña salmos asin magña awit patin magña canciones na sa espíritu, na magawit sa biyayá sa saindong magña pusó sa Cagurangnan.
17 Asin an gabos na guiniguibo nindo minsan sa pagtataram ó sa guibo, guibohon nindo iyan gabos sa gñaran nin Cagurangnan na si Jesús, na magpapasalamat sa Dios Amá huli sa saiya.
18 Magña may agom na babae, magñagpasacop ó magcuyog camo sa saindong magña agom na lalaqui, siring sa maninigó sa Cagurangnan.
19 Magña agom na lalaqui, camóté nindo an saindong magña agom na babáe, asin na day camo maguing magña maoyamon sa sainda.
20 Magña áquí, cumuyog camo sa saindong magña caganác sa gabos; háros ta iyan nacacaogma sa Cagurangnan.
21 Magna Caganác, day nindo paangoton an saindong magña áquí, tagñaning day maguing magña culang nin boot ó isip.
22 Magña oripon, somonod camo sa gabos sa saindong magña Cagurangnan sa laman, na day maglingcod sa matá siring can magña nagpapasonó sa magña tauo, condi sa malodoc na pusó, na matacot sa Dios:
