23 Asin an gabos na guibohon nindo, guiboha nindo sa boot, siring sa Cagurangnan, asin bacong sa magña tauo;
24 Na nacacatalastas camo na sa Cagurangnan magcacamit camo can cabayaran nin panonod: huli ta sa Cagurangnan na si Cristo nagñaglingcod camo.
25 Alagad an nagguiguibo nin paglanghad, cacamtan niya an langhad na guiniguibo; na day nin mapapalaen na magña tauo.
1 Magña Cagurangnan, guiboha nindo itong maninigó asin matanos sa saindong magña oripon, na nacacaaram na camo man magña igua nin Cagurangnan duman sa calagñitan.
2 Magñagdanay camo sa pagpamibí, na magpuca dían caiyan magguibo nin magña pagpasalamat:
3 Na mamíbi man nin sararó camo dahel sa samuyá, na an Cagurangnan bucason sa samuyá an tatá nin pagtataram, sa pacapagsabi can misterio ó gñagñalasan ni Cristo, na huli sa saiya nabibilangó pa aco,
4 Tagñaning icapagpahayag co iyan siring sa maninigó sa sacuyá sa pagtaram.
5 Maglacao camo sa cadonogñan manogñod sa magña ibang tauo ó day nin pagdilabot, na matubos an panahon.
6 Na maguing an saindong tataramon sa guiraray ìgua nin biyayá, mairam nin asin; tagñaning macanood camo con ano an maninigó sa saindo sa pagsimbag sa lambang saró.
7 An gabos cong magña catuyuhan ó águíáguí isasaysay sa saindo, ni Tichico, tugang na namomótan asin maimbod na may catongdan asin cápua oripon dian sa Cagurangnan:
8 Na siya isinobol co dian sa saindo dapit caiyan man sana, tagnaning siasaton an saindong magña águíaguí ó gauégaué, asin ragñahon an saindong magña pusó;
9 Sagcod qui Onésimo, na namomótan asin maimbod na tugang, na siya rogaring nindo. An gabos na nangyayari digdi, isasabi ninda sa saindo.
10 Si Aristarchô, na sacuyang caibahan sa bilangóan, mina-
