23 An magña bagay na iyan igua sa catotoohan nin cahologan ó casaysayan na cadonogñan sa saboot na pagsamba, asin capacumbabáan, asin sa masaquit na pagalaman uin hauac; bacong sa tibaad nang caomauan sa pagpasonó sa laman.
1 Cayá con nabuhay liuat camo sa caibahan ni Cristo, hanapa nindo an magña bagay na sa itáas, na dian nagtutucao si Cristo sa totoo nin Dios.
2 Bugtacan nindo an saindong paghiling sa magña bagay na sa itaas, bacong sa nasa sa ibabá ó dagá.
3 Háros ta anan camong magña garadan, asin an saindong buhay yaon natatagó sa caibahan ni Cristo dian sa Dios.
4 Con baga si Cristo, na saindong buhay, mapahayag na, dagñan caiyan man camo mahahayag ó ipapahayag sa caibahan niya sa camurauayan.
5 Cayá magpogol nangayod camo can saindong magña cabtang nin hauac na yaon sa ibabao nin dagá: an pagsambay, carupitan, casálan, maraot na horot nin hauac, asin caimotan, na iyan iyo an aníto:
6 Huli ó dahel can magña siring na magña bagay, an caangotan nin Dios madatong sa magña áquí nin casumbicalan.
7 Na dían sa magña siring caiyan camo man nagñaglacao can carong panahon na nabubuhay dían caiyan.
8 Alagad gñunian pabayáe man nindo an magña bagay na ini gabos: an caangotan, an caisogan, casalan, pagrarauay, magña masiuauang tataramon nin saindong gñosó.
9 Day camo magputic an magña íba sa magña capua man sana, pacahalée sa saindo can daan na pagcatauo sagcod can saiyang magña gaué.
10 Asin pacasanglee sa saindo can bágo, na iyan huli sa pacamidbid nabago siring sa ladauan caito na naglalang caiyan;
11 Duman sa mayó nin Griego ni Judío, pagturi ni day condi pagpaturi, bárbaro ni Scytha, oripon ni bacong oripon; condi si Cristo iyo an cabilogan, asin yaon sa gabos.
12 Magñag-gubing camo nangayod, siring sa magña pinili
