19 Na an 'saindang masasagcoran iyo an pagcasayang pagcalagalag, na an saindang dinidios an tulac, asin an saindang camurauayan iyo an pagcaribong; ta nagmamaraté can dapit sa daga ó águi sana.
20 Alagad an satuyang eerocan iyo si nasa sa calagñitan; na duman man hinahalat niamo an Paraligtas, si Jesucristo Cagurangnan;
21 Na siya liliuaton an hauac nin satuyang cahababáan, na macabaing sa hauac nin saiyang camurauayan huli sa guibo na huli caiyan mahihimo man na icuyog sa saiya an gabos na magña bagay.
1 Con cayá, magña namomótan cong magña tugang asin magña minamauot, caogmahan asin sacuyang corona, pagñag-danay camo dian sa Cagurangnan, magña namótan.
2 Sa qui Euodias naquiquimaherac aco, asin sa qui Syntychè hinohorot co, na magñagmaraté sinda logod nin siring man sana dian sa Cagurangnan.
3 Siring man sana naquiquimaherac man aco sa saymo, caibahan na tugang, tabagñan mo an magña nagñag-pagal sa caibahan co dian sa evangelio, sagcod qui Clemente man, asin si magña ibang sacuyang magña catarabang, na an saindang magña gñaran yaon dian sa libro nin pagcabuhay.
4 Magñagogma camo dian sa Cagurangnan guiraray: sa liuat sinasabi co: Na magogma camo.
5 An saindong catubisan ipamidbid sa gabos na magña tauo. An Cagurang nasa sa haraní.
6 Sa anoman day camo magñagparamauot; condi na ipamidbid an saindong magña paghagad sa atubang nin Dios sa gabos na pamíbí asin paggñayó-gñayó na guibohon an pagpasalamat.
7 Asin an catoninogñan nin Dios, na minalabi sa gabos na paghonáhoná, hihigñatan an saindong magña pusó asin an saindong magña pagisip dian qui Cristo Jesús.
8 Dapit can magña iba, magña tugang, an gabos na totoo,
