sa halangcauon na pacamidbid qui Cristo Jesús, na sacuyang Cagurangnan, huli sa pagcamoot sa saiya sinayang co ó sinicual co si gabos, asin ibinilang co sa ramog, huli sana sa pagcamit qui Cristo,
9 Asin na maguing campon sa saiya, na day co guinamit si sacuyang catanosan, na iyo itong dahel sa pagboot ó ley, condi itong dahel sa pagtubod qui Cristo, an catanosan na itong sa Dios dahel sa pagtubod;
10 Tagñaning mamidbid co siya, asin an cabagsican nin si saiyang pagcabuhay liuat, asin an pagdamay sa saiyang magña pagsaquit sa maninigó sa saiyang pagcagadan,
11 Con baga sa sarong bagay macaabot aco sa pagcabuhay,liuat nin si magña garadana.
12 Bacó na aco nacaabot na, ni aco mahusay na; condi na nagdadagos aco, sa paghiling con baga maabot co ito na manogñod caiyan inabot man aco ni Cristo Jesús.
13 Magña tugang, aco man sana day co ibinibilang na inabot cona iyan; alagad sarong bagay an guiniguibo co: na linigñauan co sa catotoohan itong naualat sa hudian, asin na nagdadagos aco caitong nasa sa enotan,
14 Pinadadagos co an pinupunta ó tinutuyo, pasiring sa balos nin si pagapod na mapangyari nin Dios dian qui Cristo Jesús.
15 Cayá na, gabos cami na magña mahusay ó daing caculagñan, pinagmamaté niamo ini man sana: asin con ibang bagay pinagmamaté nindo, ini man ipapahayag sa saindo niñ Dios.
16 Alagad duman caito na inabotan niamo, nagduman cami sa saró sanang dalan, nagmaté cami nin saró man sanang bagay.
17 Magña tugang, magñag-arog camo sa sacó, asin hiligña nindo si magna siring caiyan nagñaglalacao siring sa cami bilang magña padará ó arogan nindo.
18 Háros ta dacol an naglalacao na dapit sa sainda sinabihan cona camo sa paratí, asin minsan pa gñunian sinasabi iyan sa pagtagnis ó nagtatagñis aco, ta anan na magña caiual can cruz ni Cristo:
