man sa sacuyá, tagñaning aco day magcaigua nin camondoan sa camondoan.
28 Cayá na isinosobol co siya sa orog cadalé, tagñaning con maquita nindo siya, magbalic camo sa pagorogma, asin aco day masa pagmondóna.
29 Acoa nangayod nindo siya dían sa Cagurangnan sa bilog na caogmahan; asín pacamahala nindo an magña siring:
30 Háros ta dahel can pagguibo can guibo ni Cristo napaharani siya sa cagadanan, na ibinubugtac si buhay niya sa pagdagdag can saindong caculagñan dian sa paglingcod sa sacuyá.
1 Nagcuculang pa, magña tugang, na magñagogma camo dian sa Cagurangnan. Sa sacuyá, sa catotoohan, bacong mapauot an pagsurat sa saindo can magña bagay man sanang iyan, asin manogñod sa saindo day nin liban.
2 Maglicay camo sa magña ayam, maglicay camo sa magña maraot na magña paraguibo, maglicay camo sa capotolan ó sa silot ó pagcaburulag.
3 Háros ta camí iyo an pagturi, camí si magña naglilingcod sa Dios dian sa Espíritu, asin nagpapamurauay cami dian qui Cristo Jesús, na day nin pagsarig dian sa laman.
4 Minsan aco igua man nin capaniualaan dian sa laman. Con an saró baga igua nin paniualá dian sa laman, aco labí pa:
5 Tinuri nin si icaualong aldao, sa capagaraquian ni Israel, sa Tribu ni Benjamin, si Hebreo sa magña Hebreo; manogñod sa ley, Fariseo;
6 Manogñod sa paghigñat, paralamag sa Iglesia; manogñod sa catanosan na yaon sa ley, day nin canauayan.
7 Alagad si magña bagay na manogñod sa sacuyá baga magña paquinabang, ibinilang co iyan na magña uará ó pagcadaog huli sa pagcamoot qui Cristo.
8 Asin totoo man nangayod, minsan ibinibilang co an gabos na magña bagay siring sa casayagñan ó na bilang sayang huli
