na mayó nin casálan sa tahao nin banuaan na marompot asin paracasalá, na dian sa sainda minaliuanag camo siring sa magña ilao sa quinában;
16 Na rinirimpos an tataramon nin pagcabuhay tagñaning aco macapagogma sa aldao ni Cristo, na day aco nagdalagan nin basang sana, ni nagpagal nin basang lanang.
17 Asin minsan con aco pagsasaquiton siring sa atang ó sa pagatang asin paglingcod can saindong pagtubod, nagoogma aco asin nararagña aco huli sa saindo gabos.
18 Asin siring man sana magñagogma man camo, asin magñagragña sa caibahan co.
19 Alagad naghahalat aco dian qui Jesús na Cagurangnan na icasobol co sa madalé si Timoteo sa saindo, tagñaning aco man mamugtac sa catiuasayan, con matalastas co an saindong camugtacan.
20 Huli ta siysay man day nin saró acong pinaghohonang magoyon, asin na sa malodoc na paghigñoa magñataman ó magmacolog sa saindo.
21 Huli ta an gabos naghahanap caitong manoguod sana sa saiya, bacong itong qui Cristo Jesús.
22 Alagad an quinabatiran niya namidbidan na nindo, na siring sa aquí manogñod sa Amá naglingcod sa sacuyá dían sa evangelio.
23 Cayá na ini an linalaom cong isobol sa saindo, gñapit con mapaghilinghiling cona con paáno an paglacao can sacuyang magña catuyuhan;
24 Asin nanarig aco dian sa Cagurangnan na aco man mapadian sa madalé sa saindo,
25 Alagad pinaghoná co na sarong bagay na caipuhan na isabol sa saindo si Epafrodito, na sacuyang tugang, asin catabang patin caibahan sa catongdan, asin saindong sorogóon, asin parauaras sa sacuyang magña caipuhan;
26 Huli ta igua nin daculang pagmauot na mahiling camo gabos, asin macuring gayo si pagmondó hali ta nagpacadagñog camo na siya naghelang.
27 Alagad sa catotoohan naghelang sa pagcagadana; alagad an Dios naherac sa saiya; asin bacó sanang sa saiya, condi
