2 Otobon nindo si sacuyang caogmahan; na magmaraté camo nin siring man sana, na igua nin siring man sanang pagcamoot, sararó sana, na magmaraté nin saró sanang bagay:
3 Day camo gomibo nin anoman huli sa cariribocan, ó huli sa capaabao-abauan; condi marhay pang huli sa capacumbabaan; maghonáhoná camong baga magña orog ca hababá an magña iba sa magña ibang cápua man sana:
4 Na day maghiling an lambang saró caitong manogñod sana sa saiyang sadiri, condi an lambang saró man sa caitong manogñod sa magña iba.
5 Na mangyari logod, sa saindo ining pagmateng ini na nangyari man dian qui Cristo Jesús:
6 Na iyan, minsan sa lauog nin Dios, day sa pagagao na maguing cabaing nin Dios:
7 Minsan siring nagpacumbabá sa saiya man sana quiminua sa camiugtacan nin oripon, guinibo sa cabaing nin magna tauo;
8 Asin namugtac siya sa cabaing nin tauo, nagpacumbabá sa saiya man sana, naguing parasonod ó macuyog sagcod sa pagcagadan, asin nagadan sa crúz.
9 Nin huli caiyan an Dios man pinahalangcao siya nin labi, asin tinauan siya nin sarong gñaran na nasa itaas nin gabos na gñaran;
10 Tagñaning sa gñarán ni Jesús ilohod an gabos na tohod can magña nasa sa calagñitan, asin can magña nasa sa dagá;
11 Asin an gabos na pagtataram magboyboy na si Jesucristo iyo an Cagurangnan, sa camurauayan nin Dios Amá.
12 Cayá, magña namomótan co, huli ta sa guiraray nagñágcuyog camo, bacong siring sa na sa atubang co sana, condi orog na gñunian na daday aco, magñaghigñoa camo can saindong pacaligtas sa pagcatacot asin sa baga tinataquigan;
13 Háros ta an Dios iyo an nacacaguinibo dian sa saindo nin siring can pagcamoot siring man can pagguibo, huli sa marhay na boot niya.
14 Guiboha nindo an gabos na day mayó nin magña pagsabi-sabi asin magña cariribocan,
15 Tagñaning magui camong magña day mayó nin magña icacasagué asin magña mapacumbabá, magña áqui nin Dios.
